Мурод Холмуҳаммедов: “Нефтчи” жамоаси таклифи менга қизиқарли кўринмоқда”
08 янв 2017 17:11
Янгиликлар

Мурод Холмуҳаммедов: “Нефтчи” жамоаси таклифи менга қизиқарли кўринмоқда”

Жиззахнинг “Сўғдиёна” ҳимоячиси Мурод Холмуҳаммедовнинг клуб билан тузган шартномаси якунланган.

Ушбу футболчи ҳам жамоадан кетганлар сафига қўшилиши мумкин.

“Сўғдиёна” клуби билан тузган шартномам 31 декабрь куни ўз якунига етган. Тошкентга келганимдан сўнг спорт формамни ушлаб туриш учун “Пахтакор” сафида машғулотларда қатнашиб турибман. Бир қатор клублардан қизиқарли таклифлар бўлмоқда. Лекин улар орасида менга “Нефтчи” жамоаси таклифи қизиқарли кўринмоқда.

“Сўғдиёна” раҳбарияти жамоада қолишимни истамоқда. Янги мавсумда қайси жамоада тўп тепишимни 3-4 кундан кейин билиб оласизлар. “Сўғдиёна”да барча шарт-шароитлар мени қониқтирди. Жамоадагилар билан худди бир оиладек эдик. Жиззахлик мухлисларни соғинсам керак”, - дейди Мурод Холмуҳаммедов.

Жаҳонгир Сотволдиев