Игорь Сергеев 108 кундан сўнг гол урди (+видео)
16 окт 2016 13:00
Янгиликлар

Игорь Сергеев 108 кундан сўнг гол урди (+видео)

Хитой Суперлигасининг 27-туридан ўрин олган "Чанчун Ятаи" - "Бейжинг Гоан" учрашуви бўлиб ўтди.

Ўйиннинг 18-дақиқасида меҳмонлар сафида ўзбекистонлик ҳужумчи Игорь Сергеев гол уриб ҳисобни очди. Шундай қилиб, Сергеев 3 ой 16 кун (108 кун) давом этган голсиз сериясига барҳам берди. Футболчи "Бейжинг Гоан" сафидаги дастлабки голини айнан бугун урди. Сўнгги марта ҳужумчи 30 июнь куни олий лига доирасида "Пахтакор" сафида "Обод"га қарши ўйинда тўп киритган эди.

Мезбонлар сафида Анзур Исмоилов, меҳмонлар сафида Сергеев билан бирга Егор Кримец асосий таркибда майдонга тушишди ва тўлиқ ҳаракат қилишди.

"Чанчун Ятаи" - "Бейжинг Гоан" 2:1

Голлар: Фенг Ксиадонг 24, Марсело Морено 47 - Игорь Сергеев 18

Видеони Телеграмдаги расмий саҳифамиздан кўчириб олишингиз мумкин: ТЕЛЕГРАМ

Ҳавола :

Манба : championat.asia

Янгиликларни Телеграмда ўқинг!

Рейтинг: +8