Зинедин Зидан: «Ҳақиқий Бэйлни яқинда кўрамиз»
14 сен 2017 10:01
Янгиликлар

Зинедин Зидан: «Ҳақиқий Бэйлни яқинда кўрамиз»

«Реал» устози Зинедин Зидан АПОЭЛ устидан қозонилган ғалабадан сўнг (3:0) ўз фикрларини билдирди.

«Биринчи таймда у қадар яхши ўйнамадик, иккинчисида эса ажойиб. Мусобақанинг илк учрашувида гол ўтказмай ғалаба қозониш муҳим.

Роналду – биз учун муҳим ўйинчи. У доим керакли жойда бўлади ва гол уради. Умид қиламанки, шундай давом этади.

Мавсумни иккита соврин билан бошладик ва шундай давом этишни истаймиз.

Бэйл бир қанча жойларда ўйнай олади. Бугун универсаллигини намойиш этди. Биз ўйинни ҳужумда Роналду ва Бэйл билан бошладик, кейин Гаретнинг жойини ўзгартирдик.

Олдинги Бэйлни кам кўраяпмиз. Ўтган мавсум у 4 ой даволанди, ёзда эса яхши ҳаракат қилди. Ҳақиқий Гаретни энди кўрамиз, у кучайиб бормоқда», — дейди Зидан.