ЖЧ-2013 (U17). Аргентина U-17 – Австрия U-17 учрашуви дуранг билан тугаса Ўзбекистон кейинги босқичга чиқади
22 окт 2013 20:17
Янгиликлар

ЖЧ-2013 (U17). Аргентина U-17 – Австрия U-17 учрашуви дуранг билан тугаса Ўзбекистон кейинги босқичга чиқади

Ўсмирлар ўртасидаги Жаҳон чемпионатида сўнгги икки гуруҳда 2-тур ўйинлари бошланди.

Канада ва Эрон ўртасидаги ўйинда дуранг қайд этилди – 1:1. Қизиғи ушбу гуруҳда 1-турдаги иккита ўйин ҳам дуранг билан тугаганди. Агарда Аргентина ва Австрия ўртасидаги ўйин дуранг билан тугаса у ҳолда барча тўрт жамоада ҳам 2 очкодан бўлади. Бундай ҳолатда Ўзбекистон ўсмирлари муддатдан олдин кейинги босқич масаласини ҳал қилишади.

Кейинги гуруҳдан ўрин олган, ўтган турда мағлубият аламини тотиб кўрган Мексика ва Ироқ ўзаро ҳисоб-китоб қилишди. Унда амалдаги ўсмирлар ўртасидаги ЖЧ ғолиблари 3:1 ҳисобида зафар қучишди. Соат 21:00да 1-турда уч очко олган жамоалар Швеция ва Нигерия тўқнаш келишади.

«E» гуруҳи
Канада U-17 – Эрон U-17 1:1 (0:1, 1:0)
Голлар: 0:1 – 9 Карими, 1:1 – 48 Хэмилтон.

21:00 - Аргентина U-17 – Австрия U-17

«F» гуруҳи
Мексика U-17 – Ироқ U-17 3:1 (2:0, 1:1)
Голлар: 1:0 – 31 Диас, 2:0 – 41 Альманса, 2:1 – 61 Kareem, 3:1 – 84 Ривас.

21:00 - Швеция U-17 – Нигерия U-17

Ҳавола :

Манба : championat.asia

Янгиликларни Телеграмда ўқинг!

Рейтинг: