Забихилло Ўринбоев: "Кўзланган мақсадга эришса бўлади"
28 авг 2015 01:40
Янгиликлар

Забихилло Ўринбоев: "Кўзланган мақсадга эришса бўлади"

Словакиядаги халқаро турнир олдидан Ўзбекистон олимпия терма жамоаси аъзоси Забихилло Ўринбоевнинг фикрлари билан қизиқдик.

"Бугундан машғулотларни бошладик. Машғулотлар турли хил, ранг-баранг ўтмоқда. Янги мураббийлар штаби билан ишлаш қизиқарли кечмоқда. Ҳамма мураббийнинг ўз иш услуби бўлади ва барча бир-биридан фарқ қилади. Эртага (бугун) Словакияга халқаро турнирга қатнашгани йўл оламиз. Бу турнирда ўйинимизни кучайтириб олишга ҳаракат қиламиз. Жамоанинг янги ўйин услубини бу мусобақада янада сайқаллаштиришга уриниб кўрамиз. Бу мусобақада асосан ўз ўйинимизни йўлга қўйишга эътибор қаратамиз. Ўйлайманки, бу коллектив билан кўзланган мақсадларга эриша оламиз. Жамоамизнинг салоҳияти энг олий мақсад ва вазифа Олимпиядага йўл олишга қодир. Бу ишни уддаласак бўлади. Муҳими тайёргарликни яхши олиб бориш лозим", - дейди Забихилло Ўринбоев.

Ҳавола :

Манба : championat.asia

Янгиликларни Телеграмда ўқинг!

Рейтинг: +3