CONI кафолат кенгаши Турин клубининг очколарни олиб қўйиш ҳақидаги апелляциясини қаноатлантирди. Январь ойида "Ювентус"дан сохта капитал ўсиш иши бўйича 15 очко олиб ташланганди.
Энди янги суд жараёни ўтказилади. FIGC Федерал апелляция суди ишни қайта кўриб чиқиши керак.
15 очко қайтариб берилгандан сўнг, "Юве" 59 очко билан А Серия жадвалида 3-ўринга жойлашди. Туринликлар пешқадам "Наполи"дан 16 очко ортда қолмоқда.
