Юрген Клопп "Ливерпуль"нинг ушбу мавсумдаги мақсади ҳақида тўхталди

"Биз топ-4 талик учун курашишимиз керак. 2018/2019 йилги мавсумда Чемпионлар Лигаси йўлланмасини нақд қилганимиздан кейингина чемпионлик учун курашишни бошлаганмиз. Ўшанда иккинчи ўринни эгаллагандик.

Ушбу мавсумда кучли тўртликдан жой олиш учун кескин кураш кечади. Тушунаман, мухлислар сабрли одамлар эмас ва улар ўз жамоалари ҳар бир ўйинда ғалаба қозонишини исташади. Бироқ ҳар бир клуб қийин кунларни бошдан кечиради. Ҳозир шунчаки футбол ўйнаяпмиз, аммо бизда кўплаб жароҳатланган футболчилар бор", – дея Клоппнинг сўзларини келтирган клуб расмий сайти.