Йўғ-е! "Милан"ни араб миллиардери сотиб олиши мумкин
08 дек 2017 20:09
Янгиликлар

Йўғ-е! "Милан"ни араб миллиардери сотиб олиши мумкин

Теглар : Милан

"Милан"да яна бир бор хўжайин ўзгариши мумкин.

"Telelombardia"нинг тасдиқлашича, "Милан"ни харид қилишга тадбиркор Фаваз аль-Хокаир қизиқмоқда. Ҳозир у "Милан"нинг янги стадиони жойлашиши мумкин бўлган Сесто-Сан-Жованни шаҳарчасида иш олиб бормоқда.

Аль-Хокаир - миллиардер. Унинг молиявий ҳолати 1.23 миллиард еврога баҳоланмоқда. Унинг "Fawaz Abdulaziz Alhokair Group" компанияси қурилиш бизнеси билан шуғулланади. Биргина Саудия Арабистонининг ўзида 19та йирик савдо марказлари унга қарашли.

Эслатиб ўтамиз, ёзда Сильвио Берлускони "Милан"ни Йонхонг Ли бошчилигидаги Хитой концернига сотган эди. Кейинроқ, тадбиркор фирибгарликда гумон қилинаётгани маълум бўлди, клуб эса Гонконгдан кредитлар олган.