Хабарингиз бор, бугун ЕЛ 4-тур баҳслари бўлиб ўтмоқда. Ушбу учрашувларда кутилмаган натижалар, воқеа-ҳодисалар бўлаётганлиги Европа Лигасининг аҳамиятини ошириб юбораётгани бор гап.
Яна бир қизиқарли кўрсаткич бу япониялик Такуми Минаминога тегишли. Биринчи бўлимнинг ўзида Австриянинг"Зальцбург" клуби "Русенборг" дарвозасини 4 марта ишғол қилди. Ушбу голларнинг учтаси 23 ёшли Такуми Минаминога тегишли бўлиб турибди. 5, 37 ва 45-дақиқаларда тўп киритиб "хет-трик" муаллифига айланган Такуми, мазкур натижаси билан ЕЛнинг бир ўйинида учта гол урган дастлабки япониялик футболчи сифатида тарихда қоладиган бўлди.
Эслатиб ўтамиз, Минамино 2010 йил Тошкентда ўтказилган U-16 Осиё чемпионатида иштирок этган ва ҳамюртимиз Тимур Ҳакимов билан бирга мусобақа тўпурари бўлган эди(5 гол).
