"Янгиер" ва "Шўртан"нинг қайси футболчилари тотализаторда иштирок этган?
31 май 2021 13:19
Янгиликлар

"Янгиер" ва "Шўртан"нинг қайси футболчилари тотализаторда иштирок этган?

28 май куни ЎФА Этика қўмитаси "Янгиер" ҳамда "Шўртан" клубларининг ҳақ эвазига келишилган ўйинларда қатнашган ва тотализатор ўйнаб келган шахсларга ёрдам берган айрим вакилларига нисбатан интизомий чора кўрди.

Улар 6 ойдан 1 йил муддатгача футбол билан боғлиқ ҳар қандай фаолиятдан четлатилди. Ташкилот матбуот хизмати томонидан эълон қилинган хабарда тотализаторда иштирок этган шахсларнинг номи ошкор қилинмади. Шундан кейин ҳар икки клуб 29 май куни Про лигада 9-тур учрашувларини ўтказди. Мазкур ўйинда майдонга тушган футболчилар рўйхатини олдинги учрашувлар қайдномаси билан солиштириб кўрдик.

"Шўртан"нинг "Оқтепа" билан ўйин учун қайдномасида олдинги учрашувларда майдонга тушган 5 нафар футболчига жой топилмаган: Акмал Раҳимов (дарвозабон), Ислом Шодмонов (ярим ҳимоячи), Акром Баҳромов (ҳимоячи), Шербек Эшмуродов (ҳимоячи). Жаҳонгир Қурбонбоев (ярим ҳимоячи).

"Янгиер"нинг "Хоразм" билан ўйин учун қайдномасида олдинги учрашувларда майдонга тушган 3 нафар футболчига жой топилмаган: Хуршидбек Асқаралиев, Бунёд Абдуманнонов, Жонибек Мирзақулов. Шунингдек, ушбу баҳсни сирдарёликлар дарвозабони Ҳусан Олимжонов ҳам ўтказиб юборди. У 8-тур баҳсида қизил карточка олган эди.

Ҳавола :

Манба : championat.asia

Янгиликларни Телеграмда ўқинг!

Рейтинг: +8