Ямалнинг отаси испаниялик мухлислар Ламин билан фахрланишлари кераклигини таъкидлади
02 май 2025 17:47
Янгиликлар

Ямалнинг отаси испаниялик мухлислар Ламин билан фахрланишлари кераклигини таъкидлади

"Барселона" ва Испания терма жамоаси ҳужумчиси Ламин Ямалнинг отаси Мунир Насрауи, барча испаниялик мухлислар ўғлининг ютуқлари билан фахрланишлари лозимлигини айтди.

"Ламин нафақат "Барселона" учун, балки Испания терма жамоаси учун ҳам ўйнайди. "Барселона" сафида 100 та ўйин ўтказган 17 ёшли йигитга ҳавас қилишимиз керак. Уни жамоа танлови борасида танқид қилиш ўрнига, унинг эришган ютуқлари билан фахрланайлик. У ҳақидаги салбий фикрларни жуда ёмон қабул қиламан. "Барселона" мухлислари "Реал"нинг ёш футболчиларини ҳақоратламайди", – деди Мунир Насрауи.