Хитой суперлигаси. 18-тур. Легионерларимиз иштирокидаги ўйинлар

"Бейдзин Гоан" сафарда Хитой чемпиони "Гуанжоу" меҳмони бўлиб йирик ҳисобда мағлуб бўлди - 0:3. Учрашувнинг 31-дақиқасида меҳмонларнинг дарвозабони қизил карточка олганини таъкидлаш лозим. Егор Кримец ўйинда тўлиқ 90-дақиқа ўйнади. "Бейдзин" айни пайтда 29 очко билан мусобақа жадвалининг 3-поғонасида бормоқда.

"Гуанжоу" - "Бейдзин Гоан" 3:0
Голлар: Сун Ксианг 12, Дарио Конка 34 пенальти, Элкесон 66.
Четлатиш: Янг Зи 31.

"Лиаонинг Хонгюн" ўз уйида "Шанхай Шенхуа"ни қабул қилиб дуранг ўйнади - 1:1. Учрашувда Шавкат Муллажонов майдонга тушгани йўқ. "Лиаонинг" 25 очко билан 5-ўринда бормоқда.

"Лиаонинг Хонгюн" - "Шанхай Шенхуа" 1:1
Голлар: Эду 90+7 - Фирас Ал Хатиб 70.
Четлатиш: Занг Зингянг 76 ("Лиаонинг").

"Чанчун Ятаи" сафарда "Циндао Жонун" меҳмони бўлди. Ўйинда 1:1 ҳисоби қайд этилди. Анзур Исмоилов меҳмонлар сафида тўлиқ ўйнади. "Чанчун Ятаи" 13 очко билан мусобақа жадвалининг 15-поғонасида бормоқда.

"Циндао Жонун" - "Чанчун Ятаи" 1:1
Голлар: Гриффитс 56 - Занг Вензао 87

Камолидин Тожиев тўп тепаётган "Жиангсу Сейнти" бугун "Нанчанг Баи" меҳмони бўлади.