Хайрулла Каримов иккита ўйинга дисквалификация қилинди ва жаримага тортилди
02 июн 2016 14:55
Янгиликлар

Хайрулла Каримов иккита ўйинга дисквалификация қилинди ва жаримага тортилди

Мамлакат кубогининг нимчорак финалидан ўрин олган “Қўқон-1912” ва “Навбаҳор” жамоалари ўртасидаги учрашувда жамоамиз сардори Хайрулла Каримов қизил карточка олиб майдонни тарк этганди.

Бугун ПФЛ расмий сайти тартиб-интизом қўмитасининг навбатдаги йиғилиш қарорини эълон қилди. Унга кўра Хайрулла Каримов иккита ўйинга дисквалификация қилинди ва жаримага тортилди. Каримов “Бухоро” билан ўтган учрашувда майдонга тушмаганди. Демак, Каримов Қаршининг “Насаф” жамоаси билан ўтадиган баҳсда ҳам иштирок эта олмайди. Жамоамиз сардори 12-турда майдонга қайтиш имконига эга бўлади.

Ёшлар биринчилигининг 10-туридан ўрин олган “Бухоро” – “Навбаҳор” жамоалари ўртасидаги учрашув чоғида ёшлар жамоаси мураббийи Дурбек Умаралиев захира ўриндиғидан четлатилганди. Ҳакамга эътироз билдиргани сабабли мухлислар сафидан жой олишга мажбур бўлган Умаралиев огоҳлантирилиб, жаримага тортилди. ТИҚ қарорида агарда шунга ўхшаш ҳолат такрорланадиган бўлса янада кескин жазо чоралари кўрилиши кўрсатиб ўтилган.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: -13