Хави Мартинес: "Атлетико" кескин ва тез ўйнайди"
27 апр 2016 05:12
Янгиликлар

Хави Мартинес: "Атлетико" кескин ва тез ўйнайди"

"Бавария" ярим ҳимоячиси Хави Мартинес Чемпионлар лигаси ярим финали доирасида "Атлетико"га қарши ўтказиладиган ўйин олдидан ўз фикри билан ўртоқлашди.

"Мен кўпроқ "Атлетико" билан тўқнаш келишни истамагандим. Менимча, бу босқичдаги энг кучли рақиб айнан улар. Уларнинг тезкор ўйинчилари - Фернандо Торрес, Антуан Гризманн ва Янник Карраско қарши ҳужумларда жуда хавфли. Габи, Коке ва Сауль ҳар доим уларга яхши тўп узатишларни амалга ошириш учун тайёр туришади.

"Атлетико" жуда агрессив ҳаракат қилади, лекин фақатгина агрессивлик ҳисобига Чемпионлар лигаси ярим финалидан ўтиб бўлмайди. Улар кескин ва тез ўйнашади, камига руҳий жиҳатдан ҳамиша ажойиб ҳолатда бўлишади. Биз 100 % тайёр бўлишимиз керак", - дея футболчининг сўзларидан иқтибос келтирмоқда УЕФА расмий сайти.

Ҳавола :

Манба : uefa.com

Янгиликларни Телеграмда ўқинг!

Рейтинг: +5