Халқаро Чемпионлар кубоги. “Реал” ортиқча қийинчиликсиз “Ювентус”ни мағлуб этди

АҚШнинг Мэриленд штати Лэндовер шаҳридаги “Федэкс Филд” стадионида ўтган учрашувда “Қироллик клуби” 3:1 ҳисобида зафар қучди. Ўйиндаги ҳисоб 12-дақиқада “Реал” ҳимоячиси Даниэль Карвахаль томонидан очилди. Карвахаль кутилмаганда ўз дарвозасини ишғол қилиб қўйди. 

Шундан сўнг Гарет Бэйл мувозанатни тиклади. Иккинчи бўлимда “Реал” ярим ҳимоячиси Марко Асенсио дублга эришди. Захирадан майдонга тушган украиналик дарвозабон Андрей Лунин “Реал” клуби либосида иккинчи ўйинда ҳам нолга ўйнади

Криштиану Роналду бу учрашувда “Ювентус” сафида майдонга тушмади. Энди “қаймоқранглилар” Чемпионлар кубоги доирасидаги навбатдаги учрашувни “Рома”га қарши ўтказишади. Ўйин 8 август куни бўлиб ўтади.

Реал Мадрид Испания – Ювентус Италия 3:1 (1:1, 2:0)

Голлар: 0:1 – 12, автогол Карвахаль, 1:1 – 39 Бэйл, 2:1 – 47 Асенсио, 3:1 – 56 Асенсио.

Реал Мадрид – Навас (Лунин, 64), Начо (Эдегор, 77), Регилон, Карвахаль (Одриосола, 46), Хавьер Санчес (Леон, 78), Иско (Асенсио, 46), Вальверде, Себальос (Майораль, 64), Кроос (Льоренте, 46), Бэйл (Васкес, 46), Бензема (Винисиус Жуниор, 46).

Ювентус –Шченсни (Перин, 63), Кьеллини (Бардзальи, 72), Бенатия (Ругани, 63), Де Шильо, Алекс Сандро, Маркизио, Пьянич (Фернандес, 71), Бернардески, Хедира (Фажоли, 46), Жоау Канселу, Фавилли (Матеус Перейра, 63).

Огоҳлантиришлар: Бенатия (6), Алекс Сандро (33), Регилон (81).