“Водий футболи”. “Андижон” жамоаси Тошкентда

“Қўқон-1912”: Жамоа эртага Тошкентга жўнаб кетади
Маълумки жамоамиз олий лиганинг навбатдаги турида "Локомотив" меҳмони бўлади. Эртага ёшлар жамоамиз ёш "темирйўлчилар"га қарши баҳс олиб борса, олий лига клублари якшанба оқшомида ТТЙМИ стадионида куч синашишади.
Бўлажак баҳсга "Қўқон-1912" ФК делегацияси эртага жўнаб кетади.
Аввал хабар берганимиздек, жамоамиз ушбу сафар ўйинига жиддий йўқотишлар билан боради.


“Нефтчи”: Бугун ёшларимиз майдонга тушади
“Нефтчи” ёшлари бугун ёшлар лигаси 10-тури доирасида “Насаф” ўринбосарлари билан беллашишади. Учрашув Қиргулидаги “Нефтчи” СК стадионида 17:30 да бошланади. Айни пайтда фарғоналик ёш футболчилар 7 очко билан турнир жадвалининг 14-поғонасида боришмоқда.


“Навбаҳор”: Футболчилар ўйиндан олдин сўнгги машғулотни ўтказишди
Наманганнинг “Навбаҳор” жамоаси олий лига 10-турида “Олмалиқ”ни қабул қилади. Жамоа аъзолари бугун тушга қадар ўйиндан олдинги сўнгги машғулотни ўтказишди. Таркибда ҳеч қандай муаммолар йўқ. Меҳмонлар “Олмалиқ” клуби эса ўйин олди машғулотни кечқурун ўтказади.
Эслатиб ўтамиз, учрашув эртага 19:00 да бошланади.


“Андижон”: Жамоамиз Тошкентга йиғилди
Бир кунлик дам олишдан сўнг “Андижон” жамоаси бугун тушда Тошкентга йиғилиб “Ўзбекистон” меҳмонхонасидан жой олди.
Эртага жамоамиз Бекободда “Металлург”га қарши майдонга тушади. Шу боис андижонликлар мазкур баҳсга бугун пойтахтда тайёргарлик кўришади. Кечки машғулот “Солиқчи” майдонида бўлиб ўтади. Дисквалификация туфайли эртанги баҳсни Санжар Асқаралиев ва Иброҳим Отахонов ўтказиб юборишади.
Бугун “Андижон” ёшлар жамоаси Бекободда “Металлург” ўринбосарлари билан куч синашади. Учрашув соат 17:00да бошланади.