Виталий Левченко кечаги дуранг ҳақида: "Агар мени ўрнимга мураббийлик курсисига ўтирсангиз, қарор қабул қилишингиз мумкин"
16 июн 2024 08:40
Янгиликлар

Виталий Левченко кечаги дуранг ҳақида: "Агар мени ўрнимга мураббийлик курсисига ўтирсангиз, қарор қабул қилишингиз мумкин"

Суперлига 11-туридан ўрин олган "Нефтчи" – "Сурхон" (1:1) учрашувидан сўнг мезбонлар мураббийи Виталий Левченко матбуот анжуманида иштирок этди.

Рақиб биринчи бўлимда ҳеч нима таклиф эта олмади. Ёш болалардек тўп ўтказиб юбордик. Иккинчи бўлимда тўлиқ устунлик қилдик. Катта устунлик қилсакда, ғалаба қозониш учун гол етишмади. Ғалабага лойиқ эдик.

Эффионг нега эрта захирага олинди? Агар мени ўрнимга мураббийлик курсисига ўтирсангиз, қарор қабул қилишингиз мумкин. Ана шунда, кимни алмаштириш ва олиб қолишни ҳал қиласиз. Сизнингча у яхши ўйнади-ми? Майдонда жуда ёмон кўринди. Тезлик етишмади. Ҳужумчиларга, маҳорат, балки омад етишмагандир. Бугун рақиб атиги 3 марта бизни ярим майдонимизга ўтди.

Нефтчи биринчи таймдан фарқли ўлароқ, иккинчи бўлимда майда паслар билан ўйнади. Бу нима билан боғлиқ? Буни тактика билан ҳеч қандай алоқаси йўқ. 11 киши бўлиб ҳимояланаётган рақиб билан янада қандай ўйнаш мумкин? Менга тушунтириб беринг. Қанотлар ёрдамида, девор услубида ҳужум қилишга уриндик. Бугун, рақибни майдонда кўрдингизми? Яна нима ҳақида гапириш мумкин? 10 киши жарима майдончаси ичида туриб ҳимояланди. Эътибор беринг.

Ҳавола :

Манба : Uzpfl

Янгиликларни Телеграмда ўқинг!

Рейтинг: +3