Виталий Денисов "Локо" билан чемпион бўлмоқчи

- Турнир жадвалидаги ҳозирги мавқеимиз бизни кичик танаффусга яхши кайфиятда йўл олишимизга сабаб бўлди. Мен терма жамоадаги бўлажак ўйинларни аъло кайфиятда ўтказаман. "Локо"даги терма жамоага чақирилмаган футболчиларимиз эса дам олиш имкониятига эга бўлишади. ЦСКА ва "Ростов" жамоаларини турнир жадвалида қувиб етишимизга ишонса бўлади. Чемпионат якунланишига яна 9 тур бор. Демак имкониятларимиз етарли. Биз асосан аутсайдер жамоаларга қарши майдонга тушамиз. Аммо шуни унутмаслик керакки, улар ҳам бизни "тишлаб" олишлари мумкин. Шу боис диққатни бир жойга жамлаб олиш лозим. Олдимизга қўйган мақсадларимиз олий. Ҳозирги ҳолатда ўз ўйинимиздан бўлак бошқа нарсани ўйламаслигимиз зарур. Биз биринчи ўринни эгаллашни ўйлаб турибмиз. Лекин ҳар бир ўйинга алоҳида тайёргарлик кўриб, барчасида ғалаба қозонишимиз керак бўлади.