Виктор Карпенко: "Ўйинни яхши бошладик, кейин эса нимадандир қўрқиб кетдик"
09 сен 2022 10:38
Янгиликлар

Виктор Карпенко: "Ўйинни яхши бошладик, кейин эса нимадандир қўрқиб кетдик"

Суперлиганинг 18-туридан ўрин олган "Бунёдкор" - "Нефтчи" (1:2) учрашувидан кейин мезбонлар бош мураббийи Виктор Карпенко ўз фикрларини билдирди.

"Ўйинни яхши бошладик, кейин эса нимадандир қўрқиб кетдик. "Нефтчи" бугун яхши ўйнади, айниқса ҳимояда. Бизда вазиятлар бўлди. Аммо иккинчи голни ура олмадик ва бу бизга қимматга тушди.

Биринчи таймда узоқдан зарбалар бердик, аммо иккинчи бўлимда рақиб ҳимояга эътибор қилди ва асосан қанотлардан ҳужум қилишга уриндик. Биз ҳали кўп ишлашимиз керак.

"Нефтчи" қарши ҳужумга ўтишга уринди, шу боис биз ҳисобда ортда бўлсак ҳам ҳимояни ушлаб туришга ҳаракат қилдик", - деди Виктор Карпенко.