Ван Бастен ван Дейк ҳақида: "У дунёнинг энг яхши ҳимоячиси бўлиши мумкин, лекин етакчи эмас"
15 окт 10:52
Янгиликлар

Ван Бастен ван Дейк ҳақида: "У дунёнинг энг яхши ҳимоячиси бўлиши мумкин, лекин етакчи эмас"

Терма жамоа собиқ етакчиси "Ливерпуль" ҳимоячиси ҳақида фикр билдирди.

Якшанба куни Нидерландия терма жамоаси ЖЧ-2026 саралашида Финляндияни 4:0 ҳисобида мағлубиятга учратди. Марко ван Бастен ушбу ўйин ҳақида фикр билдирар экан, Виржил ван Дейкда етакчилик хислатлари етишмаслиги ҳақида гапирди.

"Менимча, ван Дейк етакчи бўлиши керак. У намуна кўрсатиши ва ҳаракатлантирувчи куч бўлиши лозим. Мен унда буни кўрмаяпман. Унинг характери менга юмшоқ туюлади.
У ажойиб ўйинчи, эҳтимол дунёнинг энг яхши ҳимоячиси. У боши билан ўйнай олади, тез, баланд бўйли ва майдонни яхши кўради. Аммо у жамоани ортидан эргаштирадиган етакчи эмас... ва бу аслида жамоага фойда келтирган бўларди. Умид қиламанки, Арне Слот унга бирор нарса ўргата олади," - деди Нидерландия терма жамоасининг собиқ ҳужумчиси Ziggo Sport эфирида.

Ҳавола :

Манба : Ziggo Sport

Янгиликларни Телеграмда ўқинг!

Рейтинг: +7