Ули Штилике: "Мураббий бўлганим туфайли одамларнинг ҳам гапини эшитаман"

Ули Штилике: "Олтита ўйиндан сўнг Сурия бунча очко (8) йиғади деб ҳеч ким ўйламаган эди. Бу сюрприз бўлди, аммо Суриянинг ҳозирги ҳолатига эътибор берсак, уларни мағлуб этиш осон эмас.

Ўйлашимча, Сурия сўнгги турдаги энг яхши жамоа бўлди. Биз сурияликлардан бор-йўғи 2 очко олдиндамиз ва уларни мағлуб этишимиз шарт.

Уйда ўйнаймиз ва муаммолар бўлмайди деб ўйлайман. Аммо биз ҳимоядаги хатолар сонини минимумга етказишимиз керак. Мураббийлик вазифасида анчадан бери ишлайман ва аввал ҳам бундай ҳолатларга дуч келганман. Бироқ ҳозир фақат бу жамоа билан жаҳон чемпионатига йўлланма қўлга киритиш ҳақида ўйлаяпман. Бу ишга киришсангиз, жавобгарликни бўйнингизга олишингиз керак, шу сабабли одамларнинг ҳам гапини эшитаман".

Ки Сон Ён: "Вазият яхши эмас, аммо бу биз билан содир бўлган энг ёмон воқеа эмас. Сурияни мағлуб этиб, вазиятни ўнглаш учун яхши имкониятга эгамиз. Терма жамоада мамлакатимизнинг энг яхши футболчилари ўйнайди ва бундай вақтда сиз энг зўр ўйинингизни кўрсатишингиз керак. Айни дамда биз яхши ўйинчи эканлигимизни исботлашимиз шарт. Аввалги баҳсда рақиб кучли бўлгани учун эмас, биз ўйин вақтида диққатимизни бир жойга тўплай олмаганимиз учун мағлуб бўлдик деб ўйлайман. 4 та ўйин қолди ва агар хатоларни такрорлайверсак бу ҳақиқатдан ҳам катта муаммога айланади".