U-19 Осиё чемпионатига саралаш. Охирги ўйинда Саудия Арабистони билан дуранг ўйнадик
11 ноя 2019 08:01
Янгиликлар

U-19 Осиё чемпионатига саралаш. Охирги ўйинда Саудия Арабистони билан дуранг ўйнадик

Қитъамизнинг бир нечта давлатларида U-19 Осиё чемпионатига саралаш ўйинлари ўтказилди.

Хабарингиз бор, келаси йил Ўзбекистонда тарихда илк бор ёшлар ўртасидаги Осиё чемпионати бўлиб ўтади. Конкурсдан ташқари ушбу мусобақа саралаш босқичида қатнашган Ўзбекистон U-19 терма жамоаси охирги ўйинини Саудия Арабистонига қарши ўтказиб, 1:1 ҳисобини қайд этди.

Бунгача Отабек Ғуломхўжаев шогирдлари Ҳиндистон билан Афғонистонни бир хил 2:0 ҳисобида мағлуб этишганди. Саралаш ўйинлари мезбони Саудия Арабистонига қарши баҳсда биринчи тайм охирида бир киши кам бўлиб қолдик. Чунки ҳакам футболчимизга қизил карточка кўрсатди. Шунга қарамай йигитлар ирода кўрсатган ҳолда 88-дақиқада ҳисобни тенглаштиришга муваффақ бўлишди. Учрашув тугашига саноқли дақиқалар қолганида Жасурбек Жалолиддинов томонидан киритилган гол ёшларимизга бир очко тақдим этди.

Шундай қилиб тўплар нисбатига кўра гуруҳда биринчи ўринни эгаллаган Саудия Арабистони U-19 терма жамоаси ҳам қитъа биринчилиги йўлланмасини қўлга киритди.

Ҳавола :

Манба : championat.asia

Янгиликларни Телеграмда ўқинг!

Рейтинг: +24