"Турон" футбол клуби ёш футболчилар учун танлов эълон қилади
04 дек 2020 21:53
Янгиликлар

"Турон" футбол клуби ёш футболчилар учун танлов эълон қилади

Теглар : Турон

Ўз олдига юксак мақсадларни қўйиб келаётган "Турон" жорий мавсум якунларига кўра Суперлигада иштирок этиш ҳуқуқини қўлга киритди.

Сиз янги мавсумдан жамоамиз шарафини ҳимоя қилиш истагидамисиз? "Турон" футбол клуби U-18 ҳамда U-21 жамоаларига ёш футболчилар учун танлов эълон қилади!

Танловда иштирок этишни истагида бўлган (2001, 2002, 2003, 2004 йилларда туғилган) ёш футболчилар +998994350414 рақамига телеграм тармоғи орқали ўзлари ҳақидаги маълумотнома (резюме) юборишлари лозим.

Ёдда тутинг Маълумотномада ўзингиз ҳақингизда тўлиқ маълумот (туғилган йили, яшаш манзили, ўйнаган жамоаси, таҳсил олган футбол мактаби) акс этган бўлиши лозим. Кўрсатилган маълумотларни юборган ёш футболчилар 7-декабрь куни соат 13:00да "Ўзбекистон" ўйингоҳига келишлари сўралади.

Имкониятингизни қўлдан бой берманг! Юксак марраларни сизлар билан биргаликда забт этамиз!

Ҳавола :

Манба : "Турон" матбуот хизмати

Янгиликларни Телеграмда ўқинг!

Рейтинг: +31