Гехи – "Ман Сити"нинг ҳимоядаги асосий трансфер мақсади

25 ёшли Англия терма жамоаси ҳимоячиси ёзда "Ливерпуль"га ўтиши амалга ошмаганидан сўнг, 2026 йилнинг 30 июнига қадар мўлжалланган шартномани узайтирмасликка қарор қилди ва Лондон клубини эркин агент ҳуқуқи асосида тарк этадиган бўлди.

"The Times" нашрининг хабар беришича, "шаҳарликлар" сўнгги бир неча мавсум давомида Гехининг ўйинини диққат билан кузатиб келишган. Ҳозирда Марк ёзда ҳимоя чизиғини қайта қурмоқчи бўлган "Сити"нинг асосий трансфер мақсадига айланди.

"Ман Сити" ҳимоячиси, шартномаси ёзгача мўлжалланган Жон Стоунз, агар спорт формасини тиклаб, барқарор ўйин кўрсата олса, келишувни узайтириш бўйича таклиф олади. Натан Аке ушбу мавсумда Англия чемпионатининг фақат битта ўйинида асосий таркибда майдонга тушди, Мануэль Аканжи эса "Интер"да ижарада – ҳар икки 30 ёшли ҳимоячи ёзда "Сити"ни тарк этади.

Шу муносабат билан, Гехининг ёздаги трансфери Пеп Гвардиола жамоаси учун идеал вариант ҳисобланади. Бироқ "Кристал Пэлас" ҳеч бўлмаганда қандайдир маблағ ишлаб олиш учун ўйинчини қишдаёқ сотишга тайёр. Маркка бир қанча клублар қизиқиш билдирмоқда.