Туркманистон ва яна тўрт жамоа Осиё Кубоги-2019га йўлланма олди
15 ноя 2017 08:30
Янгиликлар
Туркманистон ва яна тўрт жамоа Осиё Кубоги-2019га йўлланма олди
5-тур ўйинларидан олдин 3та жамоа йўлланмага эга бўлганди: Фаластин, Уммон ва Ҳиндистон. Кечаги ўйинлардан сўнг яна 5та жамоанинг қитъа чемпионатига бориши аниқ бўлди.
"A" гуруҳида қўшниларимиз Қирғизистон терма жамоаси сафарда Макаони 4:3 ҳисобида мағлуб этишди. Ҳиндистон эса Мьянма билан дуранг ўйнади - 2:2.
№ | Жамоа | Ў | Ю | Д | М | Т-Н | О |
1 | Ҳиндистон | 5 | 4 | 1 | 0 | 10:3 | 13 |
2 | Қирғизистон | 4 | 2 | 1 | 1 | 7:6 | 7 |
3 | Мьянма | 4 | 1 | 2 | 1 | 8:5 | 5 |
4 | Макао | 5 | 0 | 0 | 5 | 4:15 | 0 |
"B" гуруҳида Ливан сафарда Гонгконгни мағлуб этиб йўлланмага эга чиқди - 1:0. КХДР Малайзияни йирик ҳисобда таслим қилди - 4:1.
№ | Жамоа | Ў | Ю | Д | М | Т-Н | О |
1 | Ливан | 5 | 4 | 1 | 0 | 12:3 | 13 |
2 | КХДР | 5 | 2 | 2 | 1 | 11:10 | 8 |
3 | Гонгконг | 5 | 1 | 2 | 2 | 4:5 | 5 |
4 | Малайзия | 5 | 0 | 1 | 4 | 4:13 | 1 |
"C" квартетида Камбоджа меҳмони бўлган Иордания 1:0 ҳисобида зафар қучиб Осиё Кубогига чиқди. Вьетнам ўз майдонида Афғонистон билан дуранг ўйнади, бу натижа мезбонларга 2019 йилги мусобақа боришлари учун етарли бўлди.
№ | Жамоа | Ў | Ю | Д | М | Т-Н | О |
1 | Иордания | 5 | 3 | 2 | 0 | 15:4 | 11 |
2 | Вьетнам | 5 | 2 | 3 | 0 | 8:2 | 9 |
3 | Камбоджа | 5 | 1 | 0 | 4 | 2:15 | 3 |
4 | Афғонистон | 5 | 0 | 3 | 2 | 5:9 | 2 |
"D" гуруҳида ўтган турдаёқ икки йўлланма соҳиби аниқ бўлганди. Бу турда Бутан ўз уйида Уммонга ютқазди - 2:4. Фаластин Мальдив ороларини аяб ўтирмади - 8:1.
№ | Жамоа | Ў | Ю | Д | М | Т-Н | О |
1 | Фаластин | 5 | 5 | 0 | 0 | 25:2 | 15 |
2 | Уммон | 5 | 4 | 0 | 1 | 27:5 | 12 |
3 | Мальдив | 5 | 1 | 0 | 4 | 4:19 | 3 |
4 | Бутан | 5 | 0 | 0 | 5 | 2:32 | 0 |
"E" гуруҳида сўнгги тур фақат расмиятчиликка айланади. Қўшниларимиз Туркманистон терма жамоаси ўз майдонида Хитой Тайпеи устидан 2:1 ҳисобида ғалабага эришишди ва 2004 йилдан буён илк бор қитъа чемпионатига чиқишди. Баҳран Сингапурни йирик ҳисобда мағлуб этиб Туркманистонга шерик бўлди - 3:0.
№ | Жамоа | Ў | Ю | Д | М | Т-Н | О |
1 | Баҳрайн | 5 | 3 | 1 | 1 | 11:3 | 10 |
2 | Туркманистон | 5 | 3 | 1 | 1 | 9:6 | 10 |
3 | Хитой Тайпеи | 5 | 2 | 0 | 3 | 6:12 | 6 |
4 | Сингапур | 5 | 0 | 2 | 3 | 3:8 | 2 |
"F" квартетида кечаги иккала ўйинда ҳам 0:0 ҳисоби қайд этилди. Қўшниларимиз Тожикистон терма жамоаси ўз мухлислари қаршисида Яманни енга олмади. Филиппин эса сафарда Непал билан муроса кўчасини танлади.
№ | Жамоа | Ў | Ю | Д | М | Т-Н | О |
1 | Филиппин | 5 | 2 | 3 | 0 | 11:7 | 9 |
2 | Яман | 5 | 1 | 4 | 0 | 5:4 | 7 |
3 | Тожикистон | 5 | 2 | 1 | 2 | 9:7 | 7 |
4 | Непал | 5 | 0 | 2 | 3 | 2:9 | 2 |
Шу тариқа ҳозирга қадар саралаш учун берилган 12та йўлланманинг 8таси ўз эгасини топди: Ҳиндистон, Ливан, Иордания, Вьетнам, Фаластин, Уммон, Баҳрайн, Туркманистон.
Қолган 4та йўлланма эгалари сўнгги, 6-тур ўйинларидан сўнг маълум бўлади. Осиё Кубоги саралаш баҳсларининг 6-тури кейинги йилнинг 27 март санасида бўлиб ўтади.
Эслатиб ўтамиз, ЖЧ-2018 саралаши учинчи босқичига чиққан 12та жамоа ўтган йилнинг ўзида Осиё Кубоги-2019га йўлланмани қўлга киритиб бўлган. Улар орасида Ўзбекистон терма жамоаси ҳам бор.
Ўхшаш янгиликлар
championat.asia
КЖЧ. 7-дақиқадаёқ бир киши кам бўлиб қолган "Реал" "Пачука"га 3 та гол урди
Ўзбекистон Кубоги. "Нефтчи" ўз уйида "Машъал"га мағлуб бўлиб, мусобақа билан хайрлашди. "Сўғдиёна" "Қизилқум"ни қийинчиликсиз мағлубиятга учратди
Суперлига. Абдухолиқовга аталган оқшомда "Динамо" жорий мавсумдаги илк мағлубиятини "Бунёдкор"дан қабул қилиб олди
Клублар ўртасидаги ЖЧ. “Интер Майами“ иштирок этган гуруҳдан кейинги босқичга йўл олганлар маълум
Фикрлар