Тимур Кападзе: "Навбаҳор" ўтган йили бажарилмай қолган вазифани уддалаш учун ҳаракат қилаяпти"

Ўйин ҳақида

- Яхши ўйин бўлди. Ҳар икки жамоа яхши ҳаракат қилди. Бугунги учрашувни томоша қилган мухлислар айни томошабоп ўйин гувоҳи бўлишди деб ўйлайман. Жамоамиз йигитлари ёмон ҳаракат қилишмади, ҳар бир вазият учун охиригача курашишди.

- Бу йилги "Навбаҳор" ва унинг мухлислари ҳақида муносабатингизни билдириб ўтсангиз...

- "Навбаҳор" айни кунларда яхши формада. Улар ўтган йили ўхшамай қолган чемпионлик учун ҳаракат қилишаяпти. Мухлислари ҳам ҳар доим жамоасини қўллаб-қувватлашади. Улар яхши ўйнаса, керак бўлса рақиб жамоани ҳам олқишлашади.

- "Олимпик" атрофидаги ижобий гап-сўзлар жамоага босим юклаб қўймадими? Жамоа ўтган йилгидек кўринмаяпти...

- Бизда таркибда ўзгаришлар ҳам бўлди. Йигитлар ёмон ҳаракат қилишмаяпти. Ўйиндан ўйинга кучайиб борамиз. Бизнинг вазифамиз ҳам шу аслида. Йигитларни бош мақсадимиз томон муносиб тайёрлаш.

- "Навбаҳор" билан билан кубок ўйинида ҳам тўқнаш келасизлар. Бу борада фикрингиз қандай?

- Биз ҳали гуруҳдан чиқмадик. "Андижон" билан рақобат жиддий кечаяпти. Бугун ўйнаган жамоа билан 3 кундан кейин яна тўқнаш келиш осонмас. Бироқ, бунинг ҳам яхши томони бордир деб ҳисоблаймиз.

- U-20 жаҳон чемпионатида иштирок этаётган жамоамиз таркибидан кўзлаганларингиз борми?

- Албатта, уларнинг ҳар бири номзод. Нуфузли турнир олдида эканликлари учун аввалроқ чақирмагандим. Албатта, бу терма жамоамиздан бизга номзодлар бор.