Терма жамоамиз пенальтилар сериясига тайёр

Бунга қадар корейслар Канберрада иккита, Брисбенда битта ўйинда майдонга чиққан эдилар. Ўзбекистон терма жамоаси захира майдонидан фойдаланди. "Формула-1" трассаси олдида бўлиб ўтган йиғинимиз роппа - роса бир соат давом этди.

Бу сафар машғулотга қараб эртанги таркибни белгилаш жуда қийинчилик туғдирди. Икки таркиб ҳам пенальтилар сериясига тайёргарлик кўрдилар. Дарвозаларда Нестеров эмас, Тўраев ва Суюнов ўзини синаб кўрди.
Жепаров машғулот сўнггида якка таркибда шуғулланди. Хитой билан ўйинда оёқ пайларини чўзиб олган Тўхтахўжаев эса сафдан чиқиб улгурган.

Муҳаммадиев, Турсунов, Тўраев, Ҳайдаров, Исмоилов, Кападзе, Шодиев, Аҳмедов, Кримец ва Ҳасанов битта таркиб бўлдилар.

Иккинчи таркибдан эса қуйидаги футболчилар ўрин олишди:
Денисов, Рашидов, Сергеев, Сайфиев, Муллажонов, Искандеров, Шораҳмедов, Насимов.