Тен Хаг: "Умид қиламанки, голларни кейинги ҳафтага асраб қўйдик"

"Биз кўплаб вазиятлар яратдик, аммо тўпни бир маротаба рақиб дарвозасига кирита олдик. Ўйинчиларимиз сабрли: улар ишлашда давом этишди ва якунда гол уришди. 

Мени реализация безовта қилмаяпти, биз ҳар бир ўйинда гол уряпмиз. Бу ишни қилишда давом этишимизга ишонаман. Умид қиламанки, голларни кейинги ҳафтадаги ўйинга асраб қўйдик. 

Танаффусда концентрацияни сақлаб қолиш ҳақида гаплашдик. Ҳимояда зич ҳаракатланаётган жамоага қарши ўйнаб, гол ура олмаётганингда назоратни йўқотиб қўйиш мумкин. Сен хато қилиб тўпни йўқотасанг ва қарши ҳужум. 

Мен эртароқ ва кўпроқ гол уришимиз керак деб ҳисоблайман, шунда барчаси осон кечади", - деди тен Хаг.