Темурхўжа Абдухолиқов ва Игорь Сергеев тўпурарликда пешқадам
21 апр 2016 22:18
Янгиликлар

Темурхўжа Абдухолиқов ва Игорь Сергеев тўпурарликда пешқадам

Жорий мавсумда Ўзбекистон чемпионати, Осиё чемпионлар лигаси ҳамда Ўзбекистон кубоги ўйинларида ҳозирга қадар энг кўп гол урган футболчилар учлиги билан таништириб ўтамиз.

Тўпурарлар учлиги:

1. Темурхўжа Абдухолиқов ("Локомотив") - 9 гол.

"Локомотив" ҳужумчиси учун жорий мавсум анча кўтаринки руҳда бошланди. "Локомотив"нинг муваффақиятли ўйинлари ва ғалабалари серияларига Абдухолиқовнинг хизмати катта бўлмоқда. Темурхўжа Абдухолиқов ҳозирга қадар ушбу мавсумда жами 11 ўйинда майдонга тушди ва рақиблари дарвозасига 9 маротаба йўл топа олди. Олий лига ўйинларида Абдухолиқов 5та гол киритиб, Илҳом Юнусов билан биргаликда пешқадамлик қилмоқда.

2. Игорь Сергеев ("Пахтакор") - 9 гол.

"Пахтакор" ҳужумчиси Игорь Сергеев ҳам самарадорлик бўйича ушбу мавсумда Темурхўжа Абдухолиқовдан қолишаётгани йўқ. Игорь Сергеев олий лига ўйинларида 4 марта дарвозани ишғол этган бўлса, ОЧЛ ўйинларида 5 маротаба рақиблари дарвозасини "ўққа" тутишнинг уддасидан чиққан.

3. Сардор Мирзаев ("Локомотив") - 7 гол.

"Локомотив" вингери Сардор Мирзаев ҳам тўпурарлик қобилияти борлигини ушбу мавсумда исботламоқда. Сардор Мирзаев учун 2016 йилги мавсум анча омадли бошланди. Футболчи "Локо"нинг етакчи аъзоларидан бирига айланди ва жамоасининг бир қатор муҳим голларига муаллифлик қилди. Ҳозирга қадар Сардор Мирзаев голеадорлик бобида фақатгина иккита ҳужумчидан ортда қолмоқда.