UZ

Сўнгги янгиликлар

19:24Де ла Фуэнте: "Карвахаль ва Родри – ўз позициясида дунёнинг энг яхши икки футболчиси"  0 18:56CAFA Nations Cup. Ҳиндистон Афғонистон билан дуранг ўйнаб, 2-ўринга жойлашди  7 18:22"Барселона" ва "Арсенал" "Ноттингем Форест" футболчисини нишонга олди  0 17:54"Фулхэм" "Бавария" футболчисини ижарага олди  0 17:28"Арсенал" ярим ҳимоячиси бу йил "Олтин тўп"ни кимга бериш кераклигини айтди  3 16:59"Барселона" ҳимоячиси жароҳати сабаб 3 ҳафта майдонга туша олмайди  0 16:30Манба: Паулу Бенту Мисрда ишлаши мумкин  23 16:02Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"  46 16:01"Байер" ва "Фенербахче" бош мураббийлик учун Постекоглу номзодини илгари сурмоқда  1 15:34Туркия клуби яқин кунларда Онанани ижарага олмоқчи  4 15:06ФИФА ЖЧ-2026 чипталарининг бошланғич нархини белгилади  4 14:38Россия – Иордания учрашувини ўзбекистонлик ҳакамлар бошқаради  5 14:11Бундеслига юлдузи трансфер ойнасининг сўнгги кунида МЮ таклифини рад этгани маълум бўлди  2 13:43Нагельсманн Германиянинг ЖЧ-2026даги мақсадини айтди  5 13:17Қозоғистондагилар "Реал" билан ўйин чиптаси билан боғлиқ фирибгарликлардан хавотирда  1

“Таклиф устида узоқ ўйланмадим, бу биз учун янги чақирув” – Максим Шацкихдан дастлабки фикрлар Янгиликлар

“Таклиф устида узоқ ўйланмадим, бу биз учун янги чақирув” – Максим Шацкихдан дастлабки фикрлар

Хабарингиз бор, кеча “Андижон” Максим Шацкихни янги бош мураббий сифатида расман таништирди.

Бугундан жамоа янги мураббий қўли остига ўтди.

Максим Шацких “Андижон”нинг таклифини қабул қилиши, қандай услубни ёқтириши, Осиё Чемпионлар лигаси 2 мусобақаси учун режалари ҳақида клуб матбуот хизматига дастлабки фикрларини билдириб ўтди:


“Менга “Андижон” ФК раҳбариятидан таклиф келиб тушди. “Андижон”нинг инфратузилмасини билганим учун таклиф устида узоқ ўйланиб ўтирмадим. Айниқса,  ашаддий мухлислар клубни қай даражада қўллаб-қувватлашларидан хабардор бўлганим ҳам менга қўшимча далда бўлди. Ҳар учрашувда стадион мухлислар билан тўлишини биламан. Ахир, футбол аввало ишқибозлар учун ўйналади. Шу жиҳатни мен энг муҳими деб биламан. 


Юқорида айтиб ўтганингиздек, ҳа, бу мен ва мураббийлар штабимиз аъзолари учун янги чорлов. Энди ўзимизга билдирилган ишонч ва масъулиятли вазифани бажариш учун астойдил ишлаймиз. Раҳбарият ва мухлисларни максимал натижаларга эришиш орқали мамнун қилишга ҳаракат  қиламиз. Аммо ўз тамойилларимиз ва ўйинга бўлган қарашларимизни жамоага сингдириш учун вақт керак бўлишини ҳам айтиб ўтмоқчиман. Шунда ўзимиз кўришни хоҳлаган манзара юзага келади. Якунда меҳнатимизнинг маҳсулини кўрамиз, албатта. Биз фақат ҳужумкор футбол кўрсатамиз.  


Ҳозирча ОЧЛ 2 мусобақаси учун режалар ҳақида гапиришга эрта. Чунки турнир сентябрь ойида бошланади. Ҳозирча эса асосий эътиборни чемпионат доирасидаги учрашувларга қаратамиз. Табиийки, ЧЛга ҳам айнан шу ўйинлар орқали етиб борамиз. 


Иккита баҳсни стадионни ўзида томоша қилдим. Етарли маҳоратга эга ўйинчилар мавжуд. Албатта, ёзда трансфер ойнаси очилади ва таркибни кучайтириш йўлида ҳам қадам ташлашимиз тайин. Тўғри, дастлаб мавжуд имкониятларни чамалаймиз, таркибдаги ўйинчилар билан яқиндан танишиб чиқамиз. 1-даврани кўнгилдагидек якунлашга ҳаракат қилиш керак бўлади. Ўз-ўзидан нуфузли мусобақа учун таркибни шакллантириш масаласи юзага чиқади. Нега деганда, лиганинг нуфузи ва даражаси бутунлай бошқача. Шундан келиб чиқиб ёзги трансфер чоғида қайси чизиқларни кучайтиришимиз кераклигини ҳал этиб оламиз”, - дейди Максим Александрович, клуб матбоут хизматига.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика