Суперлиганинг 2006 йилги тўпурари: "Афсуски, бизда индивидуал кучли ҳужумчилар йўқ"
30 дек 2023 11:30
Янгиликлар

Суперлиганинг 2006 йилги тўпурари: "Афсуски, бизда индивидуал кучли ҳужумчилар йўқ"

Ўзбекистон терма жамоаси собиқ ҳужумчиси Павел Соломин Осиё Кубогида Ўзбекистон терма жамоасининг имкониятлари ва ҳужумчиларни баҳолади.

"Биринчи навбатда терма жамоамиздан ёрқин ўйин кутмоқдаман. Мен башорат қилишни ёқтирмайман. Чунки футболда олдиндан нимадир дейиш қийин. Ҳозирда Осиёнинг кўплаб жамоалари кучаймоқда. Мен миллий терма жамоамизнинг ҳеч бўлмаганда ярим финалда кўришни истардим. Мусобақада осон ўйинлар бўлмайди.

Муаммо жиддий. Афсуски, бизда индивидуал кучли ҳужумчилар йўқ. Буни Суперлига тўпурарлари статистикаси тасдиқлайди. Фақат Остон Ўрунов бундан мустасно. Терма жамоага келсак, бизда яхши ҳужум чизиғи бор. Ҳар бир футболчи ўйинни ўз қўлига олиши мумкин. Техник жиҳатдан сараланган футболчилар ўрин олган. Мантиқан олиб қаралганда Шомуродовнинг ўрнида Сергеев ўйнаши тўғрироқ бўлади. Игорь ҳозир яхши ҳолатда ва мунтазам равишда гол урмоқда. Бобир Абдихолиқов ҳам мусобақада порлаши мумкин. Унда гол уриш инстинкти яхши ривожланган",- дейди Павел Соломин.

Батафсил интервьюни қуйидаги ҳавола орқали ўқишингиз мумкин → ИНТЕРВЬЮ

Ҳавола :

Манба : championat.asia

Янгиликларни Телеграмда ўқинг!

Рейтинг: +4