Суперлига. "Металлург" ва "Қизилқум" сафарда даҳшатли натижа қайд этмоқда, "Навбаҳор" Наманганда чемпион

Мазкур тур олдидан айрим натижаларни, фактларни эътиборингизга ҳавола қиламиз. 

Меҳмонда

Бекобод шаҳри клуби жорий йил ҳисобидан бугун  4 сафар учрашувида иштирок этади. 

 Бу тургача "Металлург" "Навбаҳор" (0:3), "Сўғдиёна" (2:2), "Андижон" (0:5) жамоалари меҳмони бўлган ва уларнинг биттасида ортга очко билан қайтди. "Маъданчилар" 3та баҳсда ўз дарвозаларидан жами 10та тўп олиб чиқишди ва рақиб дарвозасини 2 бор ишғол қилишди. Суперлига жамоалари орасида сафарда гол ўтказиш бўйича энг ёмон натижа айни пайтда  "Металлург"га тегишли бўлиб турибди. Очко йиғиш борасида эса "Қизилқум"га ҳавас қилиб бўлмайди ,4та ўйин 4та мағлубият. Бу турда улар Тошкентда ОКМКга қарши ўйнайди. 

Мазкур масалада "Бунёдкор" етакчиликни қўлга олган. Мурод Отажонов "команда"си 7та турдан 5тасини меҳмонда ўтказди ва жами 12 очко жамғарди, 4та ғалаба ва 1 мағлубият, тўплар нисбати 9:3. Сафарда мағлубиятга учрамаган фақатгина 2 клуб қолди, "Нефтчи" ва "Насаф". Фарғоналиклар 4та ўйиндан 3тасида ғалаба, 1тасида муроса кўчасини танлади. "Аждарлар"да 5 очко мавжуд, 1 ғалаба ва 2 дуранг. 

Уйда ким чемпион?

Албатта "Навбаҳор". Наманганда "лочинлар"нинг парвози муваффақиятли чиқаётганини айтиш жоиз. Натижалар: 4та ўйин 4та ғалаба, тўплар нисбати 10:0, 12 очко. Ортиқча гап сўзсиз юз фоизлик кўрсаткич. Бироқ Наманганга келган жамоаларнинг даражаси "Навбаҳор"никидан юқори эмасди: "Қизилқум" (3:0), "Металлург" (3:0), "Сўғдиёна" (3:0), "Андижон" (1:0).  Уйда мағлубиятга учрамаётган жамоалар қаторига "Нефтчи" (1 ғалаба, 2 дуранг), "Қизилқум" (1 ғалаба, 2 дуранг), "Бунёдкор" (2 дуранг) ҳам киритиш мумкин. Ўз майдонида мухлисларини хурсанд қилиш бахтини ҳис қила олмаётган 3та жамоа қолди. "Бунёдкор", "Бухоро", "Турон".