UZ

Сўнгги янгиликлар

12:53"Металлург" Жепаров, россиялик футболчи ва 6 нафар янги футболчини таништирди  0 12:45Тошак: "Реал" ярим таркибни алмаштириши керак"  1 12:20Икарди можароси давом этади. Мауро "Интер" қайдномасига киритилмади  5 12:05"Челси", "Ливерпуль" ва "Ювентус" Тюрам ўғлига қизиқиб қолди  1 11:44Тебас: "Месси - ЛаЛига рамзи"  23 11:29Осиё футболи. Уммон терма жамоасига янги мураббий тайинланди  4 11:10Облак: "Атлетико" учун ҳали вазифа бажарилгани йўқ"  22 10:50Гвардиола: "Мен - VARнинг ишқибозиман"  28 10:42Флорентино Перес ва Сантьяго Солари икки соат дилдан суҳбат қуришди  19 10:30“Бухоро” яна Тошкентда йиғилди  7 10:11Спортчилар ижтимоий тармоқларда  2 09:53Olamsport: Истомин АҚШдаги турнирда иккинчи давра ўйинини ўтказди, ўзбек дербисида Ҳумоюн ғолиб ва бошқа хабарлар  0 09:40Карикатура: “Ювентус”да яна ўхшамаяпти   27 09:25Кьеллини: “Туринда боримизни берамиз”   34 09:20“Бухоро” Раҳматулло Бердимуродов билан хайрлашди  11

Суперлига легионерлари: Кимлар ишончни оқлаяпти? Янгиликлар

Суперлига легионерлари: Кимлар ишончни оқлаяпти?

ПФЛ янги мавсум олдидан бир қатор ўзгаришларга қўл урди. Аввало шу пайтгача Ўзбекистон олий лигаси деб келинган мусобақа Суперлигага ўзгартирилиб, жамоалар сони 12тага туширилди.

Биринчи лига эса Про-лига дейила бошланди ва бунда 18та жамоа тўққизтадан икки гуруҳга бўлиниб, Про-лига “А” ва Про-лига “Б” гуруҳларига айлантирилди. Суперлигада легионерларга нисбатан чеклов (лимит) ҳам биттага оширилди. 

Шу пайтгача ОЧЛ регламентига биноан ички чемпионатда ҳам 3+1 тизимига амал қилиб келаётгандик. Аммо бу йилдан легионерлар лимити 4+1 қилиб белгиланди. Хўш, бу ўзгаришларнинг  самараси қандай бўлди? Бу йил келган легионерлар ўз жамоаларига қандай ёрдам беришди ва улар қанчалик кучли? Қуйида шу ҳақда фикр юритамиз.


Мавсум бошида 35 легионер билан 

Мавсум аввалида Суперлига клублари жами 35 нафар хорижлик футболчини рўйхатдан ўтказган ҳолда курашни бошлашди. Суперлига жамоалари орасида биргина “Сўғдиёна” йил бошида бирорта ҳам хорижликни рўйхатдан ўтказмади. Жамоа фақат маҳаллий ўйинчиларга таянган ҳолда майдонга тушди. Қолган клублар эса бу борада чўнтакка қараб иш тутишди.

Ким нечта легионерни рўйхатдан ўтказганди? Шу ўринда Суперлига клублари қайси ўйинчиларни чемпионат аввалида ПФЛ заявкасига киритганди деган саволга жавоб бериб ўтсак. Қуйида клублар рўйхатдан ўтказган легионерларни келтириб ўтамиз.

“Қизилқум” - 5та. Евгений Черемисин (Россия), Георги Квесиешвили (Грузия), Артур Геворкян (Туркманистон), Элгужа Григалашвили (Грузия), Неманья Йованович (Сербия).

АГМК - 5та. Павел Матяш (Қирғизистон), Владимир Бубанья (Сербия), Владислав Касминин (Беларусь), Йован Жокич (Сербия), Вадим Чемиртан (Молдова).

“Локомотив” - 4та. Кахи Махарадзе (Грузия), Игорь Йелич (Сербия), Нивалдо (Бразилия), Чо Сук Жаэ (Ж.Корея).

“Насаф” - 4та. Игорь Голбан (Россия), Славко Лукич (Сербия), Жаҳонгир Алиев (Тожикистон), Драган Черан (Сербия).

“Пахтакор” - 4та. Марко Симич (Черногория), Ростин Гриффитс (Австралия), Тиаго Безерра (Бразилия), Исмоил Гонсалвеш (Португалия).

“Навбаҳор” - 3та. Томислав Пайович (Сербия), Дарко Станоевич (Сербия), Ненад Иньяц (Сербия).

“Бухоро” - 3та. Марко Клисура (Сербия), Сергей Русецкий (Беларусь), Арслонмурод Амонов (Туркманистон).

“Қўқон-1912” - 3та. Дарко Гожкович (Сербия), Марко Милич (Сербия), Милан Спремо (Сербия).

“Нефтчи” - 2та. Виталий Мирний (Украина), Вячеслав Сушкин (Россия).

“Бунёдкор” - 1та. Филипп Райевац (Сербия).

“Металлург” - 1та. Андрей Шипилов (Россия).


Ким қандай таассурот қолдирди? 

Биз доим бир гапни такрорлаб келамиз, яъни легионер маҳаллий футболчидан бир бош устун бўлиши керак. Бу гап ҳеч ким учун янгилик эмас. Суперлиганинг биринчи давраси давом этаётган пайтда “Пахтакор” бош мураббийи Шота Арвеладзе билан суҳбатлашганимизда грузиялик мураббий ҳам хорижлик футболчилар маҳаллий ўйинчиларга ҳар томонлама ўрнак бўлиши кераклигини ва яхши ўйин кўрсатиши лозимлигини айтганди. Арвеладзе айтганидек, “Пахтакор”нинг тўрт нафар легионеридан учтаси ўзини кўрсатиб келмоқда. Булар - Марко Симич, Тиаго Безерра ва Исмоил Гонсалвеш. Аммо австралиялик Ростин Гриффитс нимагадир ўзидан кутилган ўйинни намойиш қила олмади ва натижада клубни тарк этишга мажбур бўлди.

Умуман олганда, бу йил мавсум бошида фақат иккита клуб 4+1 лимитидан тўлиқ фойдаланди: “Қизилқум” ва АГМК. Демак, бу жамоаларда пул бор. “Локомотив”, “Насаф” ва “Пахтакор” тўрттадан легионер билан чекланган бўлса, “Навбаҳор”, “Бухоро”, “Қўқон-1912” жамоалари учтадан хорижликни ўз сафларига қўшиб олишди. “Нефтчи” эса икки нафар легионерни таклиф этди. “Бунёдкор” клубда пул йўқлигидан фақат Филипп Райевацни олишга мажбур бўлди. “Металлург” ҳам битта футболчини қўшиб олди, лекин бу ўйинчи бош мураббий Андрей Шипиловнинг ўғли бўлгани учун жамоани кучайтириш мақсадида таклиф этилган деб бўлмайди. Балки отаси кўз олдимда ўйнаб турсин деган ниятда чақирган бўлиши мумкин.

Албатта, яхши таассурот қолдирган легионерлар ҳам бор. Масалан, “Қизилқум”нинг грузиялик ҳужумчиси Элгужа Григалашвили кўрсатаётган ўйин кўпчиликка манзур келди. Суперлиганинг 13та учташувида майдонга тушиб еттита гол урган ҳужумчи тез орада “Пахтакор”дек клуб эътиборини торта олди.  Аммо Григалашвили ваъдасига мувофиқ мавсумни “Қизилқум”да тугатишга қарор қилди ва шу боис “Пахтакор” унинг ўрнига Драган Черанни таклиф этди. Ўзини кўрсатган легионерлардан Тиаго Безеррани ҳам алоҳида айтиб ўтса бўлади. Бразилиялик футболчи ўз ватандошлари каби тўп билан муомала қилганда “сеҳргар” эмас, бироқ ҳаракатлари, эпчиллиги ҳамда охиригача курашувчанлиги билан ажралиб туради. 

“Локомотив” олиб келган Нивалдо ҳам яхши ҳужумчи эди, бироқ характери сабаб ўзини кўрсата олмади. “Насаф” йил бошида таклиф этган Славко Лукич ҳам ўзидан илиқ таассурот қолдирди. Фақат клубда юзага келган молиявий муаммолар сабаб пулини вақтида ололмай  юртига қайтиб кетишга мажбур бўлди. Бу рўйхатга шунингдек, АГМКдаги Йован Жокич билан “Бухоро” ярим ҳимоячиси Арслонмурод Амоновни ҳам қўшса бўлади. Жокич шу пайтгача ўтказилган барча 14та ўйинда тўлиқ ҳаракат қилиб, бешта гол уришга (шундан тўрттаси пенальти) муваффақ бўлди. Тўртта голга муаллифлик қилган туркманистонлик футболчи Амонов эса “Бухоро” сафида энг яхши ҳаракат қилаётган футболчилардан бири бўлиб турибди.


Энг, Энг, Энг...

Шу ўринда Суперлига легионерларига оид баъзи статистик маълумотларни келтириб ўтсак. Шуни айтиш лозим, ушбу рақамлар дастлабки 14та тур якунлари бўйича ҳисоблаб чиқилган. Демак, ортда қолган 14та турнинг барчасида фақат 9 нафар легионер майдонга тушган. Булар - Игорь Голбан, Славко Лукич, Тиаго Безерра, Исмоил Гонсалвеш, Дарко Станоевич, Неманья Йованович, Владимир Бубанья, Йован Жокич ва Марко Милич. 

Энг кўп гол урган легионерлар: Элгужа Григалашвили, Исмоил Гонсалвеш (7тадан), Тиаго Безерра (6та), Йован Жокич (5та), Филипп Райевац, Арслонмурод Амонов, Неманья Йованович (4тадан). 

Йил бошида уч нафар хорижлик дарвозабон рўйхатдан ўтказилганди: Евгений Черемисин (“Қизилқум”), Павел Матяш (АГМК) ва Виталий Мирний (“Нефтчи”). Қизиғи шундаки, бу дарвозабонларнинг учаласи ҳам бир хил 15тадан тўп ўтказиб юборишди. 

Мақталган, лекин ишончни оқламаган легионерлар: Чо Сук Жаэ (“Локомотив”), Нивалдо (“Локомотив”), Ростин Гриффитс (“Пахтакор”), Марко Клисура (“Бухоро”), Вадим Чемиртан (АГМК), Вячеслав Сушкин (“Нефтчи”). 

Дастлабки 14та турнинг энг яхши уч нафар легионери: Элгужа Григалашвили (“Қизилқум”), Тиаго Безерра (“Пахтакор”), Арслонмурод Амонов (“Бухоро”). 

Энг кўп сариқ карточка олган легионерлар: Кахи Махарадзе, Томислав Пайович (4тадан), Игорь Йелич, Марко Симич, Филипп Райевац, Дарко Станоевич, Владислав Касминин, Вадим Чемиртан, Марко Милич (3тадан). 

Шу пайтгача фақат битта хорижлик футболчи қизил карточка олиб майдонни тарк этди. Бу - “Локомотив”нинг бразилиялик ҳужумчиси Нивалдо. Эсингизда бўлса, Нивалдо “Қўқон-1912” билан кечган баҳсда меҳмонлар дарвозабони Ўткир Юсуповга калла қўйиб, бунинг натижасида майдондан четлатилганди.

Яна бир маълумот, 14та турда майдонга тушиб умуман сариқ карточка олмаган легионер фақат Игорь Голбан бўлди. 

Кимлар қолди, кимлар кетди? 

Албатта, у легионер бўладими ё маҳаллий футболчими жамоада яхши ўйнаб кетмаса, ҳеч қайси мураббий ортиқ ушлаб ўтирмайди. Легионерлар кўп ҳолларда уч хил сабаб билан жамоани тарк этишади. Биринчиси, яхши ўйнаб тургани учун бошқа кучлироқ жамоадан таклиф тушганида. Иккинчиси, яхши ўйнаб туради-ю, лекин пулини вақтида ололмаган пайтда. Учинчиси эса мураббий хоҳлаган футболни намойиш эта олмасдан кетишга мажбур бўлади. 

Суперлигамизда уч хил ҳолатда ҳам ўз клуби билан хайрлашган легионерлар кузатилди. Масалан, Драган Черан янада яхшироқ таклиф тушгани учун “Насаф”ни “Пахтакор”га алмаштирди. Йўқса, “Насаф” бу ҳужумчини ўз таркибида олиб қолиши мумкин эди. Славко Лукич эса пулини вақтида ололмагани учун клубни тарк этди дейлик, лекин масалан кореялик Чо Сук Жаэ ўйнай олмасдан кетиб қолди. 

Умуман олганда, ёзги трансферлар чоғида мана шу 35 нафар легионердан 11таси мамлакатимизни тарк этди ва учта ўйинчи Суперлиганинг бошқа клубларига бориб қўшилди. Ўзбекистондан чиқиб кетган легионерлар: Чо Сук Жаэ, Нивалдо, Славко Лукич, Жаҳонгир Алиев, Ростин Гриффитс, Ненад Иньяц, Марко Клисура, Сергей Русецкий, Милан Спремо, Вячеслав Сушкин, Виталий Мирний. 

Бошқа клубларга ўтиб кетган легионерлар: Драган Черан (“Насаф”дан “Пахтакор”га), Игорь Голбан (“Насаф”дан “Навбаҳор”га), Вадим Чемиртан (АГМКдан “Бухоро”га). Кўриб турганингиздек, ўйини қовушмаган Чемиртан яна аввалги жамоаси “Бухоро”га қайтиб кетди. “Насаф” эса барча тўрт легионери билан хайрлашди ва эндиликда қаршиликлар сафида бирортаям хорижлик ўйинчи қолмади.

Хайрулла ХОЛИҚОВ.

Рейтинг: +15   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг