UZ

Сўнгги янгиликлар

14:52Саудия Арабистонидан бўлаётган қизиқишга қарамай, "Челси" Стерлингни сотмайди   0 14:23"Жирона" "Краснодар" футболчисига кўз тиккан  0 13:55Ўзбекистон терма жамоаси Гонконгга етиб борди  5 13:44"Лацио" сотилмайди!"  0 13:22"Ал Аҳли" Аргентина термаси ярим ҳимоячисини сотиб олмоқчи  0 13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  2 12:49Санчо "Боруссия"да қолишни истайди  1 12:19Жароҳат олган бўлсада, Кейн терма жамоа лагерига йўл олди   2 11:42АПЛнинг икки вакили Австралияда майдонга тушади  0 11:04Роналду Швеция билан ўйин учун Португалия терма жамоасининг қайдномасига киритилмади  6 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  8 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  21 09:51Пике «Барселона» бош мураббийлиги учун икки номзодни айтди  4 09:23Англия терма жамоаси Евро-2024 учун либосини тақдим этди  3 09:15Рустам Мирсодиқов 70 ёшда!  4

Суперлига. 4-тур рамзий терма жамоаси Янгиликлар

Қуйида Суперлиганинг 4-турида ёрқин ўйин кўрсатган футболчилардан иборат рамзий терма жамоани эътиборингизга ҳавола этамиз.


"CA" Суперлигани янгича форматда ёритади


Суперлига 4-тур рамзий терма жамоасининг тактик схемаси 3-5-2ни ташкил қилди.

Унга кўра, рамзий терма жамоа дарвозасига АГМК кипери Павел Матяш муносиб кўрилди. Ушбу посбон амалдаги чемпион "Локомотив"га қарши баҳсда дарвозаси дахлсизлигини сақлай олди ва 4та сейв амалга оширди.

Уч нафар ҳимоячи сифатида "Пахтакор" аъзоси Марко Симич, "Қўқон-1912"нинг стандартларни амалга оширувчи ҳимоячиси Мурод Холмуҳаммедов ҳамда АГМКга "темирйўлчилар" устидан ғалаба келтирган голга муаллифлик қилган Владимир Бубаньялар киритилди.

Таянч ярим ҳимоячиси сифатида "Бунёдкор" сардори Жавлон Иброҳимов танланди. Иброҳимов гол урганини инобатга олмаганда ҳам ҳимояланишда жуда фаол ва фойдали ўйнади. Кўп бор ҳужумга ўтган рақиблардан тўпни олиб қўйди. Ярим ҳимоянинг марказидан Хуршид Ғиёсов ("Бунёдкор") ва Жавоҳир Сидиқов ("Қўқон-1912") ўрин олди. Ғиёсов "Бухоро" билан беллашувда битта гол урди ва Райевацнинг голига чиройли пас берди. Сидиқов эса "Навбаҳор" мағлуб этилган тўқнашувда фаол ўйин намойиш этди.

Вингерлар сифатида "Пахтакор"дан Жалолиддин Машарипов ва "Металлург"дан Суҳроб Нуруллоев танланди. Агар Элгужа Григалашвили бу турда хет-трик қайд этмаганида тур футболчиси катта эҳтимол билан Машарипов бўлиши мумкин эди. У жамоасининг уччала голида ҳам иштирок этди. Суҳроб Нуруллоев эса "Насаф"дан сафарда очко олинишини таминлаган голни чиройли тарзда киритди.

Рамзийнинг ҳужум чизиғига эса бу турда фантастик ўйнаб юборган Элгужа Григалашвили ("Қизилқум") ва захирадан тушиб ўзини максимал даражада кўрсата олган Филип Райевац ("Бунёдкор") киритилди. Элгужа сафарда "Сўғдиёна"га учта гол урди, барча голлар ўйинчининг индивидуал мехнатлари эвазига киритилди. Филип эса Ғиёсовга бош билан пас берибгина қолмай, чиройли гол ҳам урди.


Рамзий терма жамоа (3-5-2)

Дарвозабон:
Павел Матяш (АГМК).

Ҳимоячилар: Марко Симич ("Пахтакор"), Владимир Бубанья (АГМК), Мурод Холмуҳаммедов ("Қўқон-1912").

Марказий ярим ҳимоя чизиғи: Жавлон Иброҳимов ("Бунёдкор"), Хуршид Ғиёсов ("Бунёдкор"), Жавоҳир Сидиқов ("Қўқон-1912").

Вингерлар: Жалолиддин Машарипов ("Пахтакор"), Суҳроб Нуруллоев ("Металлург").

Ҳужумчилар: Филип Райевац ("Бунёдкор"), Элгужа Григалашвили ("Қизилқум").


Тур футболчиси - Элгужа Григалашвили

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика