Сречко Катанец: "Ўртоқлик учрашувидаги рақиблар ҳақида бош қотириш керак эмас"

Терма жамоамиз бош мураббийи Сречко Катанец ўтказилаётган йиғин ва ўртоқлик ўйинларидаги рақиблар борасида фикрларини билдириб ўтди. 

"Ўзимни яхши ҳис қилмоқдаман. Бевосита мазкур йиғин ҳақида гапирадиган бўлсам, шу пайтгача ёрдамчиларим томонидан амалга оширилган ишдан жуда миннатдорман. Футболчиларнинг тайёргарлигидан яхши ҳолатда эканлигини кўриш мумкин. Бу йиғинда футболчиларга жуда эҳтиёт бўлишимиз керак. Биринчи навбатда уларнинг жисмоний ҳолатини ҳисобга оламиз. Иккинчи томондан керакли учрашувларни ўтказиб етарли ўйин амалиёти бериш. Айни пайтдаги ҳозирликдан қониқмоқдаман. 

Менимча ўртоқлик учрашувидаги рақиблар ҳақида бош қотириш керак эмас. Чунки ҳозирги тайёргарлик босқичида бу муҳим ҳисобланмайди.  Кучли ўйин кўрсатиш, натижани расмий баҳсларда кўрамиз.  Биз футболчиларнинг жисмоний ҳолатини устун қўймоқдамиз. Баъзиларда чарчоқ аломатлари бор. Ўйинчилар клубларига соғ саломат етиб бориши зарур. Covid-19 билан боғлиқ кичик муаммоларни айтмаганда ҳаммасидан мамнунман",- дейди Сречо Катанец. 

Видео: ЎФА матбуот хизмати