“Сўғдиёна” ёшлари “Жиззах Барс”ни йирик ҳисобда таслим қилди, Сардор Рашидовнинг укаси гол урди

4 январдан йиғинга киришган “Сўғдиёна” ўринбосарлари Анвар Алматов қўл остида машғулотларни давом эттирмоқда.

Ўринбосарлар жамоасига иқтидорли ёш футболчиларни саралаб олиш мақсадида жамоа мураббийлари иккинчи лига жамоалари билан ўртоқлик учрашувларини ўтказишни режалаштирган. “Сўғдиёна” академияси майдонида жамоа ўринбосарлари “Жиззах Барс”га қарши ўртоқлик учрашувини ўтказди ва йирик ҳисобда ғалаба қозонди. Ўйинда Сардор Рашидовнинг кенжа укаси Саҳоб Рашидов гол урди.

“Сўғдиёна” ёшлар - “Жиззах Барс” 4:0

Голлар: Мухаммад Яхёев, Достон Орипов, Саҳоб Рашидов, Иброҳим Қодиров.

“Сўғдиёна” ёшлар таркиби: Алишер Пирматов, Асил Орифов, Нодир Қўйбоқов, Шохрух Акбаров, Муродхўжа Жабборов, Элёр Собиржонов, Достон Орипов, Саҳоб Рашидов, Мухаммад Яҳёев, Иброҳим Қодиров.