Скоулз: "Мени алдашди"
15 мар 2019 12:35
Янгиликлар

Скоулз: "Мени алдашди"

"Манчестер Юнайтед" собиқ ярим ҳимоячиси Пол Скоулз Лига 2 клуби "Олдхэм Атлетик" бош мураббийлигидан кетгани борасида фикр билдирди.

11 февраль куни Скоулз жамоа устози сифатида оммага таништирилган эди. Мутахассис "Олдхэм" бош мураббийи сифатида 5та учрашув ўтказиб, уларнинг 3тасида мағлубиятга учради ва 2та дуранг қайд этди. Айни дамда "Олдхэм" Англиянинг тўртинчи даражали чемпионати турнир жадвалида 14-ўринни эгаллаб турибди.

"Клубни тарк этишга қарор қилдим. 18 ойлик шартномамни тугатишга умид қилгандим.

Мухлислар, футболчилар, дўстларим ва оилам аъзолари бу ишни сабрсизлик билан кутганимни билишарди. Аммо "Олдхэм" устозига айланганимдан сўнг режаларим амалга ошмаслигини тушундим. Менга бу ишни таклиф қилишганида, бошқа шартлар бўлганди. Мени алдашди.

Мухлислар, футболчилар ва мураббийлар штабига муваффақият тилайман. Клубнинг натижаларини кузатиб бораман" - дейди Скоулз.

Ҳавола :

Манба : The Guardian

Янгиликларни Телеграмда ўқинг!

Рейтинг: +8