"Сити" сўнгги 3 йиликдаги энг ёмон серияни қайд этди

Пеп Гвардиола шогирдлари сўнгги 5 учрашувнинг тўрттасида ғалаба қозона олмади. Жамоа "Сент Жеймс Парк"да икки бора ҳисобда олдинга чиқиб олишган бўлса-да, якунда ғалабани ушлаб қола олишмади.

Гвардиола қўл остидаги "Сити" сўнгги 5 ўйиннинг тўрттасида ғалаба қозона олмади ва хунук серияни қайд этди. Эслатиб ўтамиз, жамоа сешанба куни "Шахтёр" билан дуранг ўйнаган бўлса, унга қадар "Ливерпуль"га мағлуб бўлди ва яна бир бор "Аталанта" билан очколарни бўлишиб олди. Ягона ғалаба эса "Челси" устидан қўлга киритилди.

"Сити"нинг навбатдаги учрашуви "Бернли" майдонида бўлиб ўтади.