"Сиэттл" ва "Боруссия Д" учрашувида 8 ёшли дарвозабон майдонга тушди
21 июл 19:45
Янгиликлар

"Сиэттл" ва "Боруссия Д" учрашувида 8 ёшли дарвозабон майдонга тушди

Ўртоқлик учрашувида таркибларда экспериментлартни тез-тез кузатиб турамиз. Лекин, "Сиэттл" ва Дортмунднинг "Боруссия" клублари ўртасидаги баҳсда жуда ёрқин ва эсда қоларли ҳолат юзага келди.

Америка клубининг дарвозасини 1-дақиқада 8 ёшли Бим Гоял қўриқлади ва 1 та сейв ва аниқ пасни амалга оширди. Кейин унинг ўрнини "Сиэттл" посбони Брайан Мередит эгаллади.

Ёш болакай оққон касаллигига чалинган ва унинг асосий орзуси севимли клуби "Сиэттл Сандерс"да ўйнаш эди. Ушбу илтимос инобатга олинди ва 10 июль куни клуб Бим Гоял билан шартнома имзолади. "Боруссия Д"га қарши ўйин олдидан бўлган умумий машғулотда ҳам 8 ёшли Бим иштирок этди.