Superliga. Janjalli o'tgan 120 daqiqalik uchrashuvda kamchilik bo'lib qolgan "Paxtakor" goli hisoblanmagan "Xorazm"ni engdi

Оқил Абдубарноев
30 okt 2026, 20:50
Superliga 26-turidan joy olgan bahs yakunlandi.

Superliga

26-tur

“Xorazm” – “Paxtakor” 0:1

Urganch. “Xorazm” sport majmuasi. 18:30

Bosh hakam: Rustam Choriev

Yordamchi hakamlar: Aleksandr Burov, Shavkat Rahmatov

Zaxira hakami: Feruzbek Hidoyatov

VAR: G'ayrat Jo'raev

AVAR: Umidjon Rahimjonov

Nazoratchi: Timur Galeev

Komissar: Vladimir Nazarov

Gol: 0:1 – 88, Muhammadbobur Karimov (Dostonbek Hamdamov)

“Xorazm”: 77.Umidjon Ergashev, 9.Sardor Azimov (79.Aziz Axrorov, 64), 10.Rafael Tavaresh, 12.Maksim Shiryaev, 13.Elzio Lohan, 15.Diyor Ortiqboev, 22.Sunnatulloh Hamidjonov, 25.Matiya Rom, 34.Suhrob Izzatov (96.Rafael Sabino, 58), 55.Azizbek Pirmuhammadov, 94.Rustamjon Abduhamidov (90.Ulug'bek Hoshimov, 64).

Zaxira: 33.Nikola Stoshich, 3.Ravshan Sultanov, 5.Abbos Otaxonov, 6.Nurjahon Muzaffarov, 7.Temurbek Ismailov, 88.Abror Xo'sinov.

"Paxtakor": 12.Vladimir Nazarov, 4.Zaid Tahsin, 5.Murtazo Puraliganji (13.Muhammadali Dilshodbekov, 46), 7.Hojiakbar Alijonov (22.Muhammadbobur Karimov, 35), 9.Ibrohim Ibragimov (50.Flamarion, 80), 17.Dostonbek Hamdamov, 23.Abdurauf Bo'riev, 26.Davron To'laganov (21.Bashar Resan, 46), 27.Sardor Sobirxo'jaev, 34.Sherzod Nasrullaev, 77.Oybek Bozorov (90.Stefan Chinedu, 67).

Zaxira: 35.Sanjar Quvvatov, 8.Dilshod Saitov, 10.Akmal Mozgovoy, 29.Ayman Hussayn.

Ogohlantirishlar: Diyor Ortiqboev (24), Murtazo Puraliganji (31), Muhammadali Dilshodbekov (48),Sunnatulloh Hamidjonov (90+7), Sardor Sobirxo'jaev (90+7)

Chetlatish: Zaid Tahsin (90+7)

🏁 90+31' – Uchrashuv yakunlandi!

Superliganing 26-turidan o'rin olgan shiddatli va bahsli vaziyatlarga boy kechgan "Xorazm" – "Paxtakor" qarama-qarshiligi mehmonlarning minimal – 0:1 hisobidagi g'alabasi bilan nihoyasiga etdi.

🖥 90+24' – VAR hakamlari vaziyatni juda uzoq va sinchkovlik bilan o'rganib chiqishdi. Ofsayd chiziqlari tortilgach, hujum paytida haqiqatan ham ofsayd qayd etilgani tasdiqlandi va "Xorazm"ning kiritgan goli rasman bekor qilindi. Hisob o'zgarishsiz qolmoqda – 0:1.

❌ 90+16' – Burchak zarbasidan so'ng "Xorazm" futbolchisi Matiya Rom to'pni darvozaga kiritdi. Biroq hujum rivojlanayotgan pallada Sunnatulloh Hamidjonov ofsayd holatida qolib ketgani sababli ushbu gol inobatga olinmadi. Hisob o'zgarishsiz qoldi – 0:1.

🧤 90+15' – Xavfli vaziyat! "Xorazm" futbolchisi Diyor Ortiqboev raqib jarima maydoni ichidan darvoza tomon kuchli zarba yo'lladi. "Paxtakor" posboni Vladimir Nazarov mahorat ko'rsatib, to'pni qaytarishga erishdi va jamoasini muqarrar goldan qutqarib qoldi.

90+12' – Maydondagi tortishuvlar sababli yuzaga kelgan uzoq to'xtalishdan so'ng nihoyat uchrashuv davom ettirildi.

🟥 90+7' – Yuzaga kelgan to'qnashuv va janjaldan so'ng bosh hakam Rustam Choriev aybdorlarga intizomiy chora ko'rdi: "Xorazm" himoyachisi Sunnatulloh Hamidjonov va "Paxtakor" yarim himoyachisi Sardor Sobirxo'jaev sariq kartochka bilan ogohlantirildi. "Paxtakor" himoyachisi Zaid Tahsinga esa to'g'ridan-to'g'ri qizil kartochka ko'rsatilib, u maydondan chetlatildi. Mehmonlar ozchilik bo'lib qoldi.

90+6' – Maydonda asablar taranglashdi. Har ikki jamoa futbolchilari o'rtasida kelishmovchilik va o'zaro tortishuv yuzaga keldi. Bosh hakam Rustam Choriev vaziyatni nazorat ostiga olishga harakat qilmoqda, ehtimol aybdorlarga intizomiy jazolar qo'llaniladi.

⚠️ 90+3' – Xavfli vaziyat! "Xorazm" futbolchisi Rafael Tavaresh raqib posboni bilan birga-bir vaziyatga chiqib bordi va darvoza tomon zarba yo'lladi, biroq to'p ustun yonidan o'tib ketdi. Mezbonlar hisobni tenglashtirish uchun qulay imkoniyatni qo'ldan chiqarishdi.

⏱ 90' – Uchrashuvning asosiy vaqti yakunlandi. Bosh hakam ikkinchi bo'limga 6 daqiqa vaqt qo'shib berdi.

⚽ 88' – GOL! "Paxtakor" uchrashuvda hisobni ochdi – 0:1!

Chap qanotdan Sherzod Nasrullaev jarima maydoniga to'pni uzatdi. Dostonbek Hamdamov bosh bilan zarba berish uchun etarlicha sakray olmadi, biroq uning bu harakati sherigi uchun uzatmaga aylanib ketdi. Qulay vaziyatda turgan Muhammadbobur Karimov pastlatib darvozaning uzoq burchagiga aniq zarba yo'llab, to'pni to'rga kiritdi.

🧤 84' – Xavfli vaziyat! "Xorazm" futbolchisi Rafael Tavaresh yaqin masofadan darvoza tomon kuchli zarba yo'lladi. "Paxtakor" posboni Vladimir Nazarov mahorat ko'rsatib, to'pni qaytarishga erishdi va jamoasini muqarrar goldan qutqarib qoldi.

🔄 80' – "Paxtakor" tarkibida o'zgarish yuz berdi: Ibrohim Ibragimov o'rniga maydonga Flamarion tushirildi.

75' – "Paxtakor" yarim himoyachisi Bashar Resan olis masofadan darvoza tomon zarba yo'lladi. "Xorazm" posboni Umidjon Ergashev to'pni ishonchli tarzda qaytarib, xavfni bartaraf etdi.

71' – "Paxtakor" futbolchisi Muhammadbobur Karimov raqib jarima maydoni ichida qulay imkoniyatga ega bo'lib zarba yo'lladi, biroq uning urinishi noaniq chiqdi.

⚠️ 68' – Xavfli vaziyat! "Paxtakor" hujumchisi Stefan Chinedu darvoza tomon aniq zarba yo'lladi. Darvoza to'riga kirib ketayotgan to'pni "Xorazm" himoyachisi Sunnatulloh Hamidjonov qaytarib yubordi va jamoasini muqarrar goldan qutqarib qoldi.

🔄 67' – "Paxtakor" tarkibida navbatdagi o'zgarish: Oybek Bozorov o'rniga maydonga Stefan Chinedu tushirildi.

🔄 64' – "Xorazm" tarkibida bir yo'la ikkita o'zgarish amalga oshirildi: Sardor Azimov o'rniga Aziz Axrorov, Rustamjon Abduhamidov o'rniga esa Ulug'bek Hoshimov maydonga tushirildi.

61' – "Paxtakor" yarim himoyachisi Sardor Sobirxo'jaev uzoq masofadan darvoza tomon zarba yo'lladi. "Xorazm" posboni Umidjon Ergashev to'pni qaytarib, xavfni bartaraf etdi.

🧤 60' – Xavfli vaziyat! "Paxtakor"dan tezkor qarshi hujum: Bashar Resanning aniq uzatmasidan so'ng Oybek Bozorov raqib posboni bilan birga-bir vaziyatga chiqib bordi va darvoza tomon zarba yo'lladi. "Xorazm" darvozaboni Umidjon Ergashev mahorat ko'rsatib, to'pni qaytarishga erishdi va jamoasini muqarrar goldan qutqardi.

🔄 58' – "Xorazm" tarkibida o'zgarish yuz berdi: Suhrob Izzatov o'rniga maydonga Rafael Sabino tushirildi.

53' – "Paxtakor" futbolchisi Oybek Bozorov jarima maydoni chizig'i ustidan darvoza tomon zarba yo'lladi, biroq to'p ustun yonidan o'tib ketdi.

🧤 51' – Xavfli vaziyat! "Xorazm" futbolchisi Diyor Ortiqboev jarima zarbasidan darvoza tomon aniq va kuchli zarba yo'lladi. "Paxtakor" posboni Vladimir Nazarov qiyinchilik bilan bo'lsa-da to'pni qaytarishga erishdi va xavfni bartaraf etdi.

🟨 48' – Bosh hakam Rustam Choriev Rafael Tavareshga nisbatan ishlatilgan qo'pollik uchun "Paxtakor" futbolchisi Muhammadali Dilshodbekovni sariq kartochka bilan jazoladi.

⚠️ 46' – Xavfli vaziyat! "Paxtakor" futbolchisi Dostonbek Hamdamov raqib jarima maydoni ichida qulay imkoniyatga ega bo'lib, darvoza tomon zarba yo'lladi, biroq to'p ustun yonidan o'tib ketdi. Mehmonlar bo'limni faol boshlashdi.

⏱ 46' – Ikkinchi bo'lim boshlandi. Tanaffusda "Paxtakor" tarkibida ikkita o'zgarish amalga oshirildi: Murtazo Puraliganji o'rniga Muhammadali Dilshodbekov, Davron To'laganov o'rniga esa Bashar Resan maydonga tushirildi.

⏸ 45+1' – Birinchi bo'lim yakunlandi. Bosh hakam Rustam Choriev jamoalarni tanaffusga kuzatdi. Hozircha hisob ochilmadi – 0:0.

43' – "Xorazm" futbolchisi Sardor Azimov olis masofadan darvoza tomon zarba yo'lladi, biroq uning urinishi noaniq ketdi.

🔄 35' – "Paxtakor" tarkibida majburiy o'zgarish yuz berdi: jarohat olgan Hojiakbar Alijonov o'rniga maydonga Muhammadbobur Karimov tushirildi.

🟨 31' – "Paxtakor" futbolchisi Murtazo Puraliganji raqib yarim himoyachisi Diyor Ortiqboevni qo'pollik bilan yiqitgani uchun bosh hakam Rustam Choriev tomonidan sariq kartochka bilan jazolandi.

28' – "Paxtakor" futbolchisi Dostonbek Hamdamov olis masofadan darvoza tomon zarba yo'lladi, biroq uning urinishi noaniq chiqdi.

26' – "Paxtakor" himoyachisi Hojiakbar Alijonov chap oyoqda darvoza tomon zarba yo'lladi. "Xorazm" posboni Umidjon Ergashev to'pni ishonchli tarzda egallab oldi.

🟨 24' – Bosh hakam Rustam Choriev "Xorazm" futbolchisi Diyor Ortiqboevni sariq kartochka bilan jazoladi. Mezbonlar vakili "Paxtakor" yarim himoyachisi Ibrohim Ibragimovni qoida buzish evaziga to'xtatib qolgan edi.

💥 23' – Xavfli vaziyat! "Xorazm" futbolchisi Diyor Ortiqboev bir raqibini aldab o'tib, darvoza tomon kuchli zarba yo'lladi. To'p darvoza to'siniga tegib qaytdi. Mezbonlar hisobni ochishga juda yaqin kelishdi.

18' – Sardor Azimov belgilangan jarima to'pini raqib jarima maydoniga uzatdi. "Paxtakor" himoyachilari to'pni bartaraf etishda xatoga yo'l qo'yishdi va qulay imkoniyatga ega bo'lgan Matiya Rom darvoza tomon zarba yo'lladi. Himoyachiga tekkan to'p maydon tashqarisiga chiqib ketdi. Mezbonlar burchak to'pi ishlab olishdi.

🧤 11' – Xavfli vaziyat! "Paxtakor" a'zosi Oybek Bozorov jarima maydoni tashqarisidan darvoza tomon kuchli zarba yo'lladi. "Xorazm" posboni Umidjon Ergashev ishonchli harakat qilib, qiyin to'pni qaytarishga erishdi va xavfni bartaraf etdi.

⚠️ 6' – "Xorazm"dan juda xavfli qarshi hujum! Mezbonlar raqib yarim maydonida uchga bir ko'rinishida qulay imkoniyatga ega bo'lishdi. Biroq hujumni yakunlash mas'uliyatini o'z zimmasiga olgan Sardor Azimovning yo'llagan zarbasi darvoza ustuni yonidan o'tib ketdi.

⏱ 1' – Bosh hakam Rustam Choriev hushtagini chaldi va o'yin boshlandi. Maydon egalari "Xorazm" to'liq ko'k, poytaxtning "Paxtakor" klubi esa oq liboslarda harakat qiladi.

O'xshash yangiliklar

Оқил АбдубарноевMuallif
Manba: Championat.asia