Шуҳрат Муҳаммадиев: "Ал Жайиш" асосан қарши ҳужумларга таяниб ўйнайди"

"Эртанги ўйин қийин ва муросасиз ўтиши аниқ. "Ал Жайиш" яхши жамоа. Уларнинг бир қатор ўйинларини кўриб ва ўрганиб чиқдик. Худо хоҳласа Қатардан камида очко билан қайтишга ҳаракат қиламиз. Сардор Рашидов яхши спорт формасида. Унинг тезлиги ҳам жойида. Лекин биз унга керакли чораларни кўришга тайёрмиз. Улар ҳужум чизиғида учта футболчи билан ўйнашади. Ҳужум чизиғи вакиллари эса кўпинча орқага қайтишмайди. "Ал Жайиш" одатда кўпроқ қарши ҳужумда ўйнайди. Биз эса доимгидек ўз ўйин услубимизда ҳаракат қиламиз. Эртага майдонда ҳақиқий жанг бўлади. Ўйлайманки, учрашув мухлислар учун томошабоп кечади. Биз эса ўз ўрнида ўз мухлисларимизни қувонтириш мақсадида майдонга тушамиз", - дейди Шуҳрат Муҳаммадиев.