Bugun "Krasnodar" jamoa bosh murabbiyi Viktor Goncharenkoni iste'foga chiqarish bo'yicha qaror qabul qilgandi.
SE'ning ma'lumotiga ko'ra, Shota Arveladze "Krasnodar"ni boshqarish uchun nomzodlardan biridir. Bungacha jamoani "Lokomotiv" (Moskva) sobiq ustozi Marko Nikolich ham boshqarishi mumkinligi aytilgan edi.
Arveladzening so'nggi ish joyi Toshkentning "Paxtakor" jamoasi bo'lgandi. U "sherlar" bilan ikki bor O'zbekiston chempioni va ikki bor mamlakat kubogiga ega chiqqandi. Bunga qadar esa mutaxassis Turkiyaning "Kayserispor", "Qosimposhsho", "Trabzonspor" va Isroilning "Makkabi" jamoalarida ishlagan.
