"Шўртан"ни уч футболчи тарк этди

- Умуман олганда таркибимизда ўзгаришлар бўлади. Ҳозирча сафимизни Фаррух Турдалиев, Кенжа Тўраев ва Сардор Расулов тарк этишди. Уларга миннатдорчилик билдирамиз. "Пахтакор"дан Темур Жўраев ва Суҳроб Бердиевни жамоага олиб келиш учун музокара олиб бораяпмиз. Шунингдек, ўтган йил таркибимизда ўйнаган Дарко Станоевични ҳам "Шўртан"га қайтариш илинжидамиз. Бу борада унинг ўзи билан ҳам гаплашганмиз. Ҳозирда футболчи уйида дам олаяпти. Яқин орада бизга якуний қарорини айтиши керак, - дейди "Шўртан" жамоаси раҳбари Шоди Намозов "Футбол Экспресс" газетасига берган интервьюси чоғида.