Ширмонбулоқда футбол байрами ФОТО

9 май куни ушбу чемпионат ўз якунига етди. Мазкур мусобақа якунида Булоқбоши туман ҳокимияти томонидан ғолиб ва совриндорлар муносиб тақдирландилар. Қишлоқ чемпионати асосчиларидан бири, Булоқбоши туман Болалар- ўсмирлар спорт мактаби йўриқчиси Эркин Ғозиматов бу борада яқиндан  ёрдам бераётган Булоқбоши туман ҳокимиятига, Ширмонбулоқ қишлоғи футбол фидойиларига ҳамда Булоқбоши туман Болалар-ўсмирлар спорт мактаби рахбариятига ўз миннатдорчилигини билдирган холда, яқин келажакда мана шундай ички чемпионатлар ўзбек футболи ривожи учун хизмат қилишини таъкидлаб ўтди.

Мусобақа якунига кўра, биринчи ўринни “Пахтакор” 79 жамоаси, иккинчи ўринни 1983 йилда таваллуд топганлардан иборат жамоа, учунчи ўринни 1975 йилда таваллуд топганлардан ташкил топган жамоа қўлга киритди.

Қуйидаги номинацияларда ғолиб бўлганлар ҳам муносиб тақдирландилар.

Мусобақанинг  энг яхши ўйинчиси – Ғуломжон Сиддиқов
Тўпурар – Иброхимжон Сиддиқов,
Энг яхши дарвозабон – Шерзод Ғозиев
Халол ўйин соврини – 1977 йилда таваллуд топганлар жамоаси

Аҳмадбек  ЭШМАТОВ.