56 ёшли нидерландиялик мутахассис ESPN эфирида португалиялик футболчини тарихдаги энг буюк ўйинчилардан бири деб билишини, бироқ сўнгги 7-8 йил ичида аввалги савиясини кўрсатишга қодир бўлмай қолганини айтганди. Мутахассиснинг фикрича, Роналдунинг пасайиши 2018 йилда "Реал"дан "Ювентус"га ўтганидан сўнг бошланган.
"Криштиану "Реал"дан кетганидан сўнг 327 та гол урди. Тен Ҳаг бутун фаолияти давомида 15 та гол урган ва ҳеч қачон ўз миллий терма жамоасига чақириладиган даражада яхши футболчи бўлмаган. Бу худди бегемот Роналдуни ортиқча вазнда айблаганига ўхшайди", – деб ёзди Морган ижтимоий тармоқларда.
2022 йилда Тен Ҳаг ва Роналдунинг "Манчестер Юнайтед"даги биргаликдаги фаолияти давомида улар ўртасида низо келиб чиққанди. Ўша йилнинг ноябрь ойида португалиялик футболчи Моргангa шов-шувли интервью бериб, унда мураббий ва клуб раҳбариятини танқид қилган. Орадан кўп ўтмай, МЮ ҳужумчи билан шартнома томонларнинг ўзаро келишувига кўра бекор қилинганини эълон қилган эди.
