Шимолий Лондон дербиси темирйўл ходимлари туфайли қолдирилиши мумкин
16 сен 2022 20:46
Янгиликлар

Шимолий Лондон дербиси темирйўл ходимлари туфайли қолдирилиши мумкин

"Арсенал" ва "Тоттенхэм" ўртасидаги Шимолий Лондон дербиси бошқа муддатга кўчирилиши мумкин.

Бунга сабаб сифатида темирйўл ходимларининг иш ташлаши кўрсатилмоқда. Қайд этилишича, Лондондаги барча 12 та темирйўл компанияси иш ҳақи бўйича узоқ вақтдан бери давом этиб келаётган келишмовчиликлар туфайли 1 октябрь куни навбатдаги иш ташлашни режалаштирмоқда.

Айнан шу куни "Арсенал" ўз майдонида "Тоттенхэм"ни қабул қилиши керак. Ўйин ўз вақтида ўтказилган тақдирда ҳам тартибсизликлар юзага келиши мумкин.

Эслатиб ўтамиз, аввалроқ темирйўлчиларнинг режалаштирилган иш ташлаши туфайли "Брайтон" – "Кристал Пэлас" учрашуви ҳам бошқа кунга кўчирилганди.

Ҳавола :

Манба : The Sun

Янгиликларни Телеграмда ўқинг!

Рейтинг: