Шик жароҳати сабабли бир неча ҳафтани ўтказиб юборади
21 фев 2022 00:57
Янгиликлар

Шик жароҳати сабабли бир неча ҳафтани ўтказиб юборади

"Байер" ҳужумчиси Патрик Шик кейинги ўйинларда жамоасига ёрдам бера олмайди. Бу ҳақда "аптекачилар" матбуот хизмати ўзининг Twitter саҳифасида хабар берди.

26 ёшли чехиялик футболчи Бундеслиганинг 23-туридан ўрин олган "Майнц"га қарши ўйинда (2:3) жароҳат олди.

Тиббий кўрик натижаларига кўра, футболчининг болдир мушаклари шикастлангани аниқланган, шу сабабли у бир неча ҳафтани ўтказиб юборади.

Шик жорий мавсумда барча мусобақаларда 24 ўйинда 20 та гол урди ва 3 та голли узатмани амалга оширди. У 28 гол урган Роберт Левандовскидан кейин Бундеслигада иккинчи тўпурар бўлиб турибди.

Ҳавола :

Манба : twitter.com/bayer04

Янгиликларни Телеграмда ўқинг!

Рейтинг: +1