Шаҳзод Шайманов: "Насаф"га қарши ўйнай олмайман"

Ушбу турда Муборакнинг "Машъал" клуби ўз уйида Олмалиқнинг "Олмалиқ" жамоасига қарши баҳс олиб борди ва томонлар нурсиз дуранг қайд этишди. Ушбу учрашувдан сўнг "Машъал" клуби футболчиси Шаҳзод Шайманов ўз фикрлари билан ўртоқлашди. "Олмалиқ" жамоасига қарши учрашувнинг биринчи бўлимида об-ҳаво бироз иссиқ бўлгани учун майдонда бироз қийналиб ҳаракат қилдик. 

Иккинчи бўлимда ўзимизга келиб олдик ва бир қатор ҳужумларни амалга оширдик. Шу куни "Олмалиқ" жамоаси ҳимояда тартибли ўйин кўрсатди. Қайсидир вазиятда рақиб жамоа ҳимоячилари ва дарвозабони яхши ўйин кўрсатган бўлса қайсидир вазиятда яратилган вазиятлардан ўзимиз унумли фойдалана ололмадик. Энди кейинги турда "Насаф" жамоасига қарши баҳс олиб борамиз. "Аждарлар" анча яхши шакилланган жамоа, уларга қарши бизни қийин учрашув кутиб турибди. Менда сариқ карточкаларим сони 4тага етганлиги сабабли "аждарлар"га қарши ўйинни ўтказиб юбораман", - дейди "Машъал" клуби футболчиси Шаҳзод Шайманов.

Жаҳонгир Сотволдиев суҳбатлашди