UZ

Сўнгги янгиликлар

00:17Инзаги Нуньесни "Ал Ҳилол"да кўрмоқчи. "Ливерпуль" ҳужумчига музокара ўтказишга рухсат берди  0 23:50Пакета Манчестерга йўл олиши мумкин  0 23:25Расман: "Челси" Хато трансферини эълон қилди  4 23:09Суперлига. "Сурхон" – "Қизилқум" ўйинида ҳисоб очилмади, ҳакам ВАР монитори орқали иккита эҳтимолий пенальтини кўриб чиқди  5 22:51Элдор Мойлиев "Насаф" футболчиси "Шўртан"га ўтмагани сабабини айтди  1 22:40Ҳаким Фузайлов "Хоразм"нинг ушбу мавсумдаги мақсадини айтди  0 22:27Максим Шацких: "ОЧЛга оптимал ҳолатда борамиз"  3 22:07Баҳром Ҳайдаров: "Дастлабки икки голни инобатга олмасак, тенг ўйин бўлди"  9 22:02Суперлига. "Хоразм" Ғузорда "Шўртан"дан ишончли ҳисобда устун келди  8 21:36"Бенфика" Браимни "Реал"дан ижарага олмоқчи. Музокаралар бошланди  0 20:55Суперлига. "Андижон" "Қўқон-1912"ни йирик ҳисобда таслим қилди  28 20:26"Сурхон" — "Қизилқум". Таркиблар маълум  0 19:46МЮ Хейлундни 30 млн фунтга сотишга тайёр  2 18:40Моуринью "Реал" футболчисини нишонга олди  1 17:37Дарвозаларга 4 та гол урилган, футбол шоуга айланган, "Динамо" ғалабани бой берган учрашувдан галерея  0

Сервер Жепаров: "Дастлабки дақиқалардаги ҳаяжон ўйинга таъсир ўтказди" Янгиликлар

Сервер Жепаров: "Дастлабки дақиқалардаги ҳаяжон ўйинга таъсир ўтказди"

​Coca Cola Суперлигасининг 20-туридан ўрин олган "Олимпик" — "Насаф" (1:3) учрашувидан сўнг мезбонлар мураббийи Сервер Жепаров матбуот анжуманида иштирок этди.

- Ўйин ҳақида фикрингиз...

- Бугунги ўйинда омадимиз келмади. Учрашувнинг дастлабки дақиқаларида футболчиларимиздаги ҳаяжон ўйинга таъсир ўтказди, деб ўйлайман. Рақибнинг тезкор голи вазиятни ўзгартириб юборди. Хато ҳаяжондан келиб чиқди деб ўйлайман. Иккинчи голни ҳам шу тарзда ўтказиб юбордик. Иккинчи бўлимда футболчиларимизнинг ҳаяжони анча жойига тушди ва яхши ўйин кўрсата бошладик. Ғалаба учун ҳаракат қилдик. Бунинг натижасида рақиб ҳам тактикасини ўзгартирди. Ҳисоб 2:1 кўринишига келгач, меҳмонлар мураббийлари ҳам бироз ҳаяжонлангандек туюлди. Мамасидиқовнинг ажойиб зарбаси гол билан якунланганда, ўйин тизгини ўзгариб кетарди. “Насаф”нинг ғалабаси билан жамоани табриклайман. Уларга ОЧЛда омад тилаб қоламан. Шунингдек, Тимур Кападзе ва Олимпия терма жамоамизнинг Осиё ўйинларидаги иштирокига зафар тилайман.

- Ўтган йили "Олимпик" барчага бошоғриқ бўлганди. Бу йилги жамоанинг ўйинидаги ўзгаришга таркибдаги муаммолар халақит қилмоқдами ёки бошқа жамоалар сизларга қарши ўйнашни ўрганиб олишдими?

- Бу футбол, барча мураббий рақибдан келиб чиқиб, тактика ва таркиб танлайди. Ўтган йили ҳам бизни кузатишган. Шунингдек, ўтган мавсумга нисбатдан таркибда ўзгаришлар етарлича. Янги футболчилар тактикамизга тушиб олишига вақт керак бўлмоқда. Шунингдек, жамоанинг асосий таркибига катта босим тушмоқда. Улар жуда кўп ўйин ўтказишмоқда. Бизда бир хилдаги иккита таркиб йўқ. Шунинг учун бу жиҳат натижага таъсир кўрсатяпти. Жароҳатлар ва ўйинда олинган четлатишлар ҳам натижага таъсир қилмоқда. Умуман олганда, жуда яхши ҳаракат қиляпмиз.

- Ўйин аввалида таркиб танлашда муаммолар бўлмадими? Сабаби, таркибнинг ўзаги Хитойда...

- Таркибда Хитойга йўл олмаганлар қолди. Жамоамиздан тўққиз нафар футболчи Осиё ўйинларига жўнаб кетди. Улар асосий футболчиларимиз эди. Бугун майдонга тушган йигитларнинг асоси Ёшлар лигаси иштирокчилари эди. Уларда ўйин амалиёти етарли эмасди. Таркибда муаммолар йўқ, мавжуд футболчилар билан ўйнай оламиз. Икки ҳафта давомида ушбу баҳсга яхшилаб тайёргарлик кўришга ҳаракат қилдик. Бугунги ўйинда футболчиларимиз жисмонан ўйинга бардош бера олишди, деб ўйлайман. Умуман олганда, бугун яхши ўйин намойиш этдик. Ҳа, техник хатолар бор, ўйинчиларнинг даражасида фарқ билинади. Бироқ улар ҳали ёш ва биз уларнинг янада ўсишларига ишонамиз.

- Мамасидиқовга янада ривожланиш учун нима етишмаяпти?

- Менимча, унинг ҳолати барқарор, деб ўйлайман. Унинг термага чақирилмаганига сабаб сифатида ундан яхши ўйинчилар борлиги, деб ҳисоблайман. Агар у ўз ишлашда давом этса, Кападзе унга имкон беради ва терма жамоага жалб этади.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика