Рўзиқул Бердиев: "Қарши ҳужум режасини туздик ва бу ўз мевасини берди"

- Бугун иккинчи давра бошланган бўлишига қарамай, ҳар икки жамоа ҳам очич ва чиройли футбол намойиш этди. Вазиятлар голга айланганида учтадан кўп гол кўришимиз ҳам мумкин эди. "Сўғдиёна" ўз майдонида ҳужумкор ўйин намойиш этишини билардик ва шунга яраша тайёргарлик кўргандик. Биз қарши ҳужумда ўйнаш режасини туздик ва буни яхши амалга оширдик деб ўйлайман. Жиззахда ғалаба қозониш осон эмас, шу боис бугунги ютуқ жудаям ёқимли бўлди. "Насаф" мухлисларини ғалаба билан табриклайман.

- Жамоангиз юқори темпга тўлиқ тайёрмиди?

- Биз иккинчи даврага жуда жиддий ҳозирлик кўрдик ва ҳар бир машғулотда юқори темпда ишлашга ҳаракат қилдик. Жамоамизнинг ҳозирги ҳолати анча яхши. Биз ҳар қандай рақибга қарши ўйнай оламиз. Бугун ҳам ҳимояда, ҳам ҳужумда мазмунли ҳаракат қилдик.

- Жамоангизга келган легионерлар ҳақида. Улардан бири қайтиб кетди деб эшитдик.

- Ҳеч ким кетгани йўқ. Легионерлар виза масаласини ҳал қилиш учун мамлакатимиздан чиқиб яна қайтишади. Улар биз билан қолади.